HAPPY FATHER'S DAY
唔好以為我 唔記得你，爹 ，父親節就請你去豪食日本「燒肉」，有宮崎和牛同法國鵝肝，計過數，全家4人落樓，埋單都係五百零蚊，又可以為你補氣補力。唔鍾意食牛咩，可以去飲滋補靚湯潤潤喉，包你條氣順番晒。
記者：張一豪
攝影：陳盛臣
宮崎和牛真係好抵，生料外賣每百克最少$248，連法國鵝肝同澳洲羊架都比人平。
份量增加一倍
■新鮮肉類單點，日本霜降牛 肉心，$128/100克；澳洲無羶味羊架$78/2件。
打算經營日式燒肉連鎖店的蒲鍋，先在佐敦開「分店」，真正近一萬呎的九龍城廣場總店，今日才趕工完成正式試業。老闆跟日本和澳洲關係好，可以大手買入宮崎和牛，更以抵食價推出宮崎和牛套餐。為慶祝開業和臨近父親節，於6月15日（父親節當日），推出2人價錢，4人份量套餐，包括將2人餐的100克宮崎和牛，升級到200克，另由50克法國鵝肝（老闆強調不是大陸貨），升級到100克。識食 都知，淨買宮崎和牛肉每百克都要超過$300，100克鵝肝要$150左右，還有餐內4人份量的北海道黑豚肉、雞柳、游水海蝦，金菇、雜菜等，加埋頭盤刺身、蟹子沙律和甜品，都只收$588，真係以普通西餐廳食飯的價錢就食到上等和牛肉。
除此，餐廳更引入一個既有燒焦效果，又能保持食物水份的遠紅外線烤爐，可做出低油煙效果，吃完回家全身不會有陣油煙味，又不怕炭焦造成的致癌物，既環保又健康。
■老闆推介鵝肝吃法：先燒金菇至七成熟，再煎鵝肝，鵝油被金菇吸收會好惹味。
■4人份量套餐$588
■甜品有咖啡朱古力蛋糕、椰汁布甸等。
■頭盤新鮮刺身份量加大一倍，蟹子沙律都由2份變4份。
蒲鍋（23832822）
地址：九龍城廣場UG25-26號
備註：必須電話預訂及於6月14日前到門市買票作實，只限150客，每2-4人限購一客，客人可選擇到九龍城總店或佐敦分店享用。此餐6月15日不設walk in 優惠，如有任何爭議，蒲鍋保留最後決定權。
爸爸都有得補
■蟲草花是人工培養的蟲草子實體，屬於真菌類，功效則和蟲草差不多。
爸爸是家庭經濟支柱，日日出外搏殺，應該帶佢去食好 補一補。豪苑酒家在父親節推出特價招牌靚湯：杏汁燉白肺，呢個湯現在已很少人做，因為齋洗肺都要成粒鐘，又要磨杏汁，幸好大廚新哥好有心機唔怕煩。另外，他們更從雲南直接引入有苞子、絕不經後期加工的蟲草花，用來燉竹絲雞及做新菜「蟲草花燴花膠」，非常滋陰補腎，阿爸吃了工作醒神，阿媽更可補補膠原，令皮膚更滑。
杏汁燉白肺
原價$168 特價$88（須預訂）
燉足5個半鐘，除有杏汁香，還有白菜的甜，豬肺、瘦肉和火腿的肉香。
蟲草燉竹絲雞
原價$188 特價$88（須預訂）
湯清且啖啖雞味，融合蟲草花的清香，湯鮮甜到不得了，吃埋湯料更滋補。
豪苑酒家（23636433）
地址：九龍紅磡碼頭圍道108號
見到都流晒口水呀
