本週日（20日），湯盈盈在灣仔莊士敦道拍攝新劇《師奶股神》期間，突然被一金毛大漢當街掌摑，疑兇摑完湯盈盈仲出言恐嚇：「八婆，唔好講咁多嘢。」目擊事發經過的湯盈盈助手不惜窮追兇徒三十多公尺，最後成功把兇徒制服。
被打至面腫腫的湯盈盈，事後除了多謝跟了她10年的助手Kelvin 英雄救美，又口震震反覆強調自己冇得罪人。更眼泛淚光說誓要捉到真兇，「我點都要嗱番個公道。」
湯盈盈新劇一部接一部，《師奶股神》後，接住有《疑情別戀》、《東關飄雨西關晴》事業發展順利，她自己都估唔到黑仔被打，事發當晚被打的左邊面仍紅紅腫腫，仍然要趕返TVB 工作。
據警方消息稱，疑犯有黑社會「新義安」背景，並已向警方承認收取了二千元酬勞，向湯動粗，目的是要她封嘴。
疑犯懷疑有黑社會背景，湯盈盈助手Kelvin 話制服佢時疑犯神情呆滯，懷疑精神有異。疑犯（左）被捕後，當晚即被押到橫頭磡村住所搜查。
記者問Kelvin 點解咁落力，Kelvin 回應：「做正常嘢啫！」會否因今次事件加人工？「唔好講呢啲嘢，我睇唔過眼啫。」
衰多口
出事後，左邊臉有點微腫的湯盈盈跟助手林敬勳（Kelvin ）齊齊到律敦治醫院驗傷。
真兇一日未落網，湯盈盈仍提心*膽，她憶述事發前幾日，已發覺有人跟蹤，感覺「唔對路」。「我呢幾日都忙拍劇，發覺有個可疑男人跟蹤同怒睥我，她覺得好邪，於是要求監製拜神，唔知（被跟蹤）同今次俾人打有冇關係。」
據了解，有人經常藉向傳媒放料跟傳媒打好關係，記者問湯盈盈是否曾因多口惹禍上身，佢即刻眼紅紅大叫冤枉：「我不嬲係個傻大姐……而家又冇拖拍，應該冇同人結怨。」
三嬌撥火
本週一，湯盈盈繼續返回電視城開工，表示心情已經平復，更話事發時她曾企圖用手機拍下兇徒樣貌，但由於當時情況混亂影唔到。「當時好混亂，我根本做唔切反應，件事已交畀警方處理，我要嗱番個公道。」
湯盈盈話自己無辜，週日，Freeze 出席變靚D 晚宴時就向湯盈盈潑冷水，甄穎珊說：「一定係得罪人啦，先會俾人打。我哋出街只會俾人嗱簽名。」湯盈盈知道被Freeze 話抵打，即向對方開火，說：「我唔識佢哋，無謂人講無謂嘢我唔會理。」
麥玲玲：佢年尾開始黑
湯盈盈被摑令她登上港聞頭版，究竟她會否因禍得福一巴打紅？麥玲玲說：「湯盈盈命格屬火，舊年11月開始轉大運，易有紛爭，而豬年鼠年比較多是非，不過唔使驚，應該唔會有更嚴重嘅暴力事件發生響佢身上。佢呢兩年會陷入三角關係，好彩未致於變成桃花劫。」
定過抬油
湯盈盈遇襲，外界紛紛惴測是藝人特別容易得罪人所致，咁蹺湯盈盈唔少圈中好友最近都被是非纏身，不過個個都拍晒心口話未驚過。
張玉珊
張玉珊最近因修身堂註冊西醫診所被搜出禁藥而忙澄清，但她亦好同情湯盈盈處境。「我好清楚佢係一個百分百好女仔，肯定唔會得罪人，佢已經好慘，家人又響加拿大，可以嘅話幫吓佢啦。」
謝天華
同演《師奶股神》。上年10月謝在台灣錄影《味分天下終極踩台》後，被拍到與「味之天使」麥皓兒返酒店房。當時湯盈盈也在場。天華說：「疑兇話收咗錢，咁講唔公平，盈盈冇得罪人，一定要追究，還佢清白。」
鍾麗淇
與車震男梁榮忠終於斷尾的鍾麗淇，經常孖住湯蒲通頂，不過老友出事後，鍾麗淇一直封嘴。
王賢誌
相識近10年，早前離巢無線向陳志雲開火，「尋日從新聞報道先知呢件事。佢話根本唔識行兇者，佢助手追兇係正常反應，如果換轉係我，我都會盡力幫手。」
助手護駕圖
英勇擒匪的Kelvin ，98年由劉嘉玲的助手帶入行，跟隨湯盈盈已10年，兩人私底下感情十分要好，01年拍攝《封神榜》時，加拿大長大的湯盈盈看不懂劇本，當時只有中五畢業的Kelvin ，即自願幫她將中文翻譯成拼音，自始她的讀稿能力突飛猛進。Kelvin 亦曾經透露難忘與湯盈盈出海外拍劇，互相照顧，有一種共患難的感覺。
左面被摑
《蘋果日報》圖片
