媽咪姐手記:湯盈盈高調ポfans
湯盈盈執郭羨妮二攤，坐正女主角位拍《兩妻時代》，仲有福將歐陽震華撐住，諗住上硬位，點知收視唔夠三十點，連福將都俾佢陀衰。
早幾晚七點零鐘，媽咪姐響銅鑼灣二期，撞到佢同男助手啱啱響miu miu 買完嘢，雖然一袋二袋戰利品，但盈盈都冇乜笑容。
到過馬路時，隔籬一個女士認出佢，瞄咗佢幾眼，吽晒嘅盈盈，要助手通水至知，佢立即好主動笑到四萬咁同人打招呼，仲用高八度嘅聲線同人傾偈，慌死冇人發現佢同「影迷」social 。結果過完短短一條馬路，盈盈已經成個生猛晒。
唉，話佢自我安慰都好，都叫做中咗「安慰獎」嘅。
雖然買到戰利品，但盈盈依然木口木面，係計緊用咗幾多錢抑或仲哭緊「劇喪」呢？
Fans 發現盈盈，立即狂𥄫。
終於有fans 啦，睇佢笑得咁鬼燦爛，肯定呢個fans 識做讚佢啦。唷，原來fans 魔力比shopping 仲要大㗎！
