FBI 一位中年發福未婚冇拖拍嘅朋友，近排晚晚深夜睇電視，睇到Freeze 個〈金睛火眼〉MV 都睇到谷血上腦、頭都痕埋。梗係啦！個MV 淨係見到六個金球拋左拋右，上落波幅大到跟唔切，FBI 奉勸血壓高嘅男士千祈唔好企圖或意圖睇呢個MV ，真係會爆血管㗎！
上週四晚（29日），例咁少布嘅整容三嬌響尖沙咀Me Too 吧搞咗場Mini concert ，繼續全程「Y 字胸」、短裙、露腿有保證，FBI 身處呢個球迷世界之中，見班男人睇到個個興奮舉起晒手上部相機，爭啲想玩埋人浪，雄性熱烈氣氛直迫麥花臣！
Freeze 實戰贏晒，連網上都有唔少粉絲撐，蕭定一嗰邊自稱《Golden Eyes 》第一批已經賣斷市，要加印第二版，啲網友仲連佢哋嘅聲線都研究埋，話石詠莉把聲勁似楊千嬅，乜聲都有得整㗎咩？
網上仲有網友話石詠莉（Sukie ）把聲勁似楊千嬅，而膠胸人甄穎珊（左）把聲就最掂，不過FBI 想問買咗Freeze 隻碟嘅粉絲，到底有幾多個有用對耳聽過？
FBI 認得呢個球迷呀，佢逢親有性感女星出騷都誓必撐場，仲講埋唔少有味嘢，Freeze 咁搏命，又點少得佢嗰份。
我都想身材似你！設計對白
Freeze 之中石詠莉身材最勁，上週四晚響酒吧出騷，全程「Y 字胸」，咪咪處於高度堅挺狀態，搞到全場男紛絲癲晒。
