葉翠翠大肚大躉大胃口老公估係仔：BB要似我

1^# 大中小 young 發表於 2016-11-18 01:25 發短消息

相關主題: 葉翠翠

現年35歲的葉翠翠去年閃嫁拍拖十個月、任建築公司副董事的周曉東（Raymond）成為人妻，婚後揚言會努力造人的她，終於傳來喜訊。本報前日拍到肚凸凸的翠翠拖實老公甜蜜出巡食自助餐，見她身形圓潤不少，一人食兩份，相當好胃口！同日翠翠率先向本報證實懷孕近四個月，她指做產檢仍未證實BB性別，但想要男嬰的老公問中醫「貼士」後，十分開心，更笑言BB要似自己。

尚有兩個多月便踏入雞年，繼車婉婉、張名雅及楊愛瑾先後宣佈陀B後，去年7月嫁給拍拖僅十個月、任建築公司副董事周曉東的葉翠翠，前日宣佈造人成功，將於明年添「雞丁」，她說：「係有咗三個幾四個月呀！因為老公怕BB小器，之前全部人都冇講，屋企人都係上一、兩個星期先知道。」

問婚後全力造人的翠翠，坦言等這天等了很久，她笑說：「屋企有好多驗孕棒，唔同牌子加埋有幾打，今次都用咗三個唔同牌子驗。」翠翠又說：「我一直都有調理身體，知道有咗好開心，呢個係上天送畀我嘅禮物，我喺生日前知道呢件事，而預產期就會喺老公生日前。至於呢個消息可以講得畀人知嘅日子，又咁啱係奶奶生日，所以呢份係送畀奶奶最好嘅生日禮物。」

【老公傍實】
穿平底鞋的翠翠，下身明顯圓潤不少，由老公輕扶上樓梯。

【勁擦Buffet】
陀B的翠翠胃口超好，吃自助午餐由頭吃到尾。

翠翠今年7月於微博上載泳照，當時仍未知自己造人成功。

老公感動到喊

翠翠又爆老公得悉她陀B好開心，她每次做產檢都堅持同行，她笑謂：「有次去做檢查，明明BB只得2cm大，老公已經話BB似佢，連醫生都忍唔住笑。」為了給老公驚喜，翠翠指當日她驗孕得知「中獎」後，未有第一時間通知老公，她說：「我忍到黃昏6點左右，我呃佢唔舒服，叫佢即刻返屋企，同時已經喺廁咗set咗個壇，放好曬啲驗孕棒，再寫住「I am pregnant」，我叫佢幫我入去攞廁紙，點知佢幾次都見唔到，見到嗰時就以為我整蠱佢，當知道係真，佢即刻感動到喊。」

採訪：小米
攝影：黃曉程、朱志聰
from:http://hk.apple.nextmedia ... 161108/19825827

廷伸閱讀/相關主題推介:

相關主題:葉翠翠

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-11-18 01:29 發短消息

葉翠翠陀B4個月老公話係人生最開心事之一

【甜餵雪糕】
對翠翠千依百順的Raymond，在街上餵老婆食雪糕。DV圖片
問到想生女還是仔？翠翠說：「最緊要係BB健康，仔女唔係最重要，不過中醫已經畀咗貼士我哋，老公好開心，話BB一定要似佢。」翠翠指老爺及奶奶都很開心，已下令要他們搬去一起住，老公亦有講愛的宣言，她笑謂：「老公話人生最開心兩件事，第一件事係同我結婚，第二件事就係我有咗BB！」

【體貼照料】
Raymond在用餐期間到便利店買紙巾給老婆抹嘴，相當細心。DV圖片
嘆完茶食雪糕

本報前日拍到翠翠與老公手拖手現身中環蘇豪區，當日穿露肩鬆身裙、平底鞋的她明顯肚凸凸，身形亦圓潤不少，老公上落樓梯時亦扶實她。二人入餐廳後即開turbo食不停，翠翠的胃口亦超級好，兩公婆食自助餐撐枱腳撐足45分鐘。離開時，翠翠再向老公扭計買雪糕，愛妻號Raymond當然滿足老婆，更在街上餵翠翠食雪糕，十分甜蜜，之後二人才拖實離開。
from:http://hk.apple.nextmedia ... 161108/19826285

TOP

3^# 大中小 young 發表於 2016-11-18 01:29 發短消息

家中貓狗陪迎B

翠翠昨日在微博貼與老公及愛犬合照，宣佈懷孕。

葉翠翠一向喜歡小動物，現時飼有14歲貓貓BB及13歲狗狗Chika，她說：「有朋友問我BB出世會唔會唔要啲貓狗，我同佢哋講，我擔心佢哋唔要我多啲啦！我𠵱家最希望係佢哋可以健健康康，陪我迎接BB嘅來臨。」

本飼有兩貓三犬的翠翠，因一貓兩犬相繼離世，十分傷心。

原來翠翠家中本來有兩貓三狗，但先後有兩狗一貓過身，她表示：「其中一隻狗狗叫Pocb，離開時13歲，都好突然㗎。嗰日朝早佢食完早餐，晚上忽然冇胃口，即刻同佢睇醫生，話佢個肝有個瘤，可能咁啱一啲動作令佢壓住個胃，醫生話冇得醫，最後決定畀佢離開，喺診所成個人係崩潰晒。」

至於另一隻貓貓，於翠翠發現懷孕後離開，同樣令她很傷心：「雖然佢都14歲，但真係好唔捨得，𠵱家屋企一貓一狗已經變咗公主王子，隻貓每日24小時最多只有半個鐘唔黐住我，好嗲。」

採訪：李察
from:http://hk.apple.nextmedia ... 161108/19825831

TOP

4^# 大中小 young 發表於 2016-11-18 01:30 發短消息

老公為生仔食齋

翠翠爆老公恨生仔，有段時間不惜狂食素配合。

葉翠翠為了成功圓陀B夢，除了看中醫調理身體，亦努力收集生B秘方，她笑言：「我睇好多書呀，又上網搵資料，好似讀書考試咁，整理晒資料，再研究一種最啱自己嘅方法，𠵱家終於得咗！」

翠翠又爆老公比較想生仔，她就想生女，所以懷孕前她和老公各有餐單，她說：「我嘅方法冇醫生認證㗎，純粹係我自己研究出嚟嘅方法，首先我相信多食鹼性食物會生仔，好似南瓜籽、菠菜同茄子等，食酸性食物會生女，所以我食好多魚、乳酪同飯。」

翠翠笑指老公相當積極，有一段期間幾乎變了素食者，又會燉鹿茸、鹿尾灵補身，自己則主力燉花膠，她說：「我𠵱家對中醫嘅認識多咗好多，以前真係完全唔識，而我嘅體質唔可以一下子谷得好勁，要慢慢補先可以。」

採訪：李察
from:http://hk.apple.nextmedia ... 161108/19825833

TOP

5^# 大中小 young 發表於 2017-1-1 20:41 發短消息

翠翠孕吐：似更年期

陀仔5個月的葉翠翠昨晚挺着巨肚現身，獲老公全程照顧。

現年35歲的葉翠翠為老公周曉東陀仔5個月，昨有周刊爆料指她不滿主持兩年半的J2節目《姊妹淘》被硬cut，入行11年的她有見也約滿，索性全面安胎。翠翠會轉做KOL（key opinion leader），網上分享美容保養心得。

翠翠昨晚挺着巨肚由老公陪到黃埔出席活動，她開始為BB改名。翠翠指初期懷孕有嘔吐情況，她說：「似更年期，易發𤷪𤺧。」自爆試過半夜要老公去便利店買腸粉。翠翠預產期是明年5、6月，屆時會剖腹，她謂做KOL可跟大家分享孕婦心得。問到是否約滿無綫？她說：「差唔多，我對將來有啲安排，想聽晚先講。」大肚翠翠近日被指兩邊臉頰蘋果肌大小不一，她風騷說：「老公覺得我靚咪得。」

採訪：曹家誠
攝影：陳慧安
from:http://hk.apple.nextmedia ... 161216/19866587

TOP

6^# 大中小 young 發表於 2017-1-1 20:57 發短消息

無綫減人工兼停Job35歲葉翠翠劈炮

懷孕5個月的葉翠翠，自爆被無綫要求減薪三分一，終決定提前解約。

葉翠翠前晚與老公周曉東一齊在炮台山開聖誕派對，亦宣佈與無綫結束十一年賓主關係。挺住5個月大肚的翠翠透露原本與公司仍有兩年合約，但被要求減薪三分一，她說：「本身唔算多（薪金），但《姊妹淘》cut咗我之後就冇嘢做，自己都知唔夠數交畀公司，明白唔會白畀人工，咁不如完咗約啦，全職照顧家人同BB，我哋係和平氣氛下傾完呢件事。」

葉翠翠老公周曉東前晚突然多了「二撇雞」，未知是生長速度快，還是黐上去呢？

翠翠減薪寧願解約

翠翠又笑言老公是她經理人，而自己是老公的工人，會否要求每年加家用？翠翠望實老公說：「你唔會減呀？」好冤氣！有傳翠翠之後會轉做KOL，但她強調只是網上分享資訊，並沒有取報酬。
from:http://hk.apple.nextmedia ... 161218/19869019

TOP

7^# 大中小 young 發表於 2017-2-3 18:15 發短消息

大肚翠翠坐住買BB用品

葉翠翠預產期還有三個月，老公近日一有空就買嬰兒用品。

葉翠翠將於5月產子，日前孖老公周曉東去銅鑼灣替囝囝買BB用品。當日約傍晚6時，兩公婆在一間店選購BB車及床，之前翠翠爆老公購買力強，當日亦由周曉東主力挑選，相信因為大肚易倦，翠翠一度坐在一旁等老公，最後二人揀足兩個多小時才離開。

大肚婆易攰，葉翠翠坐住同老公揀BB床。

翠翠接受《蘋果》訪問，她說：「老公話驚過多一、兩個月我個肚再大會行得辛苦，所以有時間就幫BB買埋啲嘢。」問她那天是否很倦？翠翠謂：「都係呀，𠵱家真係唔企得太耐，嗰日行咗三個幾鐘，不過多數老公揀，因為佢比較細心。」

採訪、攝影：徐錦池、吳耀輝
from:http://hk.apple.nextmedia ... 170203/19916017

TOP