歌手吳若希（Jinny）被爆讀書時期人緣差兼同人開房，與她同為無線J2台節目《姊妹淘》主持的莊思敏，表示入行前已認識她但稱不上深交，但直認Jinny與不少男仔相熟：「佢開工時好開心，為人爽朗，（講感情事？）冇，私生活少講，（聽過佢嘅事？）冇，不過我知道佢同有啲男仔都玩得幾熟，但係熟嘅程度去到邊我就唔知啦，（見過有人接佢？）唔見，收工時我自己揸車走，冇留意。」
（左起）吳若希、葉翠翠、楊秀惠、莊思敏
另一主持楊秀惠聞吳若希被指與Uncle關係密切，她說：「嘩！呢啲嘢唔回應啦，佢係一個好sweet、好開朗嘅女仔，我都好鍾意同佢一齊做嘢。」而葉翠翠則力撐好友：「以我認識嘅Jinny，非常好人，對台前幕後都好nice，親切同親民。（話人緣差孤僻？）孤僻兩個字形容我多過似形容佢啦。」曾跟Jinny傳緋聞的歌手胡鴻鈞電話受訪時就力撐好友：「Jinny個人好義氣，唔覺得佢臭寸喎，（話佢同契爺來往密？）唔會啦。」
from:
http://orientaldaily.on.c ... /00282_017.html
