吳浩康認花心向舊愛道歉愧對莊思敏

1^# 大中小 young 發表於 2016-9-11 17:46 發短消息

相關主題: 莊思敏

吳浩康（Deep）入行14年，負面新聞一大堆，去年被指一個月內連媾六女，令他與鍾舒漫婚事泡湯。前日阿Deep在尖沙嘴接受本報專訪，自爆已有圈外新歡，他說：「拍咗兩個幾月，𠵱家都係以結婚為目標。」

阿Deep提到過去感情事，自認是花心男，反問：「女仔就係人都會追，我敢講花心又唔止我一個……我唔係話我啱，我對當時伴侶係好對唔住。」他覺得最對不起是前度女友莊思敏，莊思敏昨以短訊回覆：「我唔回應嘞。」

吳浩康覺得最對不起的人，是前女友莊思敏。

資料圖片

吳浩康獲ViuTV邀請參加歌唱比賽，昨日進行街頭對決。
from:http://hk.apple.nextmedia ... 160828/19751645

廷伸閱讀/相關主題推介:

相關主題:莊思敏

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-11 17:50 發短消息

吳浩康唔想阻鍾舒漫

提到阿Deep的私人行為直接影響其歌唱事業，他承認因此最窮時褲袋只剩下數十元。已有近8年冇推出個人單曲的他，最近獲ViuTV邀請參加《ShowTime我主場》歌唱比賽，據聞勝出者有機會開一場逾萬人的演唱會，阿Deep直言開紅館騷是他的夢想，問會否羨慕吳業坤？他說：「各有前因莫羨人，大部份人係唔得我個人，藝人係全天候工作，我有一個板塊少咗。」

昨日阿Deep與新晉歌手Circle Guitar在旺角進行街頭歌唱對決，吸引數十人圍觀。阿Deep曾講過要等鍾舒漫，他謂：「都冇辦法，大家都有新發展，唔想阻礙佢，人哋都有新生活，𠵱家好少聯絡。」

採訪：嵐山、盧妹
from:http://hk.apple.nextmedia ... 160828/19752218

TOP

3^# 大中小 young 發表於 2016-9-11 17:50 發短消息

臨娶鍾舒漫偷嗒6女吳浩康感情好豐富

吳浩康（Deep）2002年入行，兩年內出過兩隻EP，當時真係前途無可限量，可惜佢喺2004年，警方一次掃毒行動入面，發現佢銀包內發現一點二克可卡因，之後佢嘅事業就開始直線向下。

正所謂事業失意就愛情得意，Deep嘅情史真係多到不得了，差唔多兩年換一次公開嘅女朋友，最勁嘅一次就係喺一個月內連媾6個女仔。

喺04年，吳浩康同胡定欣拍拖，喺兩年之後，佢哋公開戀情，雖然吳浩康有藏毒同打人嘅前科，好多人不太接受，但係定欣仍然對佢不離不棄，只係直至08年，男方移情別戀搭上莊思敏，二人才分手。

08年同莊思敏拍拖，到咗11年就分手，莊思敏透露曾借錢給Deep，更欠下電話費同上網費未還。分手之後，有傳Deep不斷致電前度，死求復合。

13年Deep同鍾舒漫一齊，兩個仲去到談婚論嫁嘅地步，可惜Deep一個月內連媾6個女仔，包括有o靚模麥家朗（Olivia）、港視小花謝珊珊、翻版唐紫睿、大胸o靚模Yvette、嬌滴陳霽平同齊蔭烈女。慘被背叛Sherman人前歡笑人後爆喊，最後仲取消埋婚禮。
from:http://hk.apple.nextmedia ... 160828/19752183

TOP

4^# 大中小 young 發表於 2016-9-11 17:50 發短消息

拎過「金咪大獎」吳浩康唱《洗剪吹》街知巷聞

吳浩康2002年參加新秀歌唱大賽獲季軍及最佳台風獎，晉身樂壇，曾喺全球華人新秀歌唱大賽中取得「金咪大獎」，之後加盟英皇娛樂，成為合約歌手，翌年再奪勁歌金曲最受歡迎新人獎，唱過《先入為主》、《孩子王》、《洗剪吹》及《擇日失戀》等，唱功真係唔差，現時仲有唔少人唱K揀佢嘅歌，可惜當年因為涉藏毒事件，令佢星途直仆。

2004年涉藏毒被捕
吳浩康喺警方一次掃毒行動中，於尖沙嘴柯士甸道被捕，喺佢身上撿獲一點二克嘅可卡因，後來被押油麻地警署扣留，最終裁判官指出不能因為吳浩康藝人身份而「祭旗」，故判罰款五千元了結。

2005年涉酒吧襲擊
吳浩康涉嫌傷人被起訴，起因竟然係楊千嬅，當日千嬅歌迷殷晴晴得知偶像曾在酒吧消遣，所以相約原告人前往欲一睹她的風采，兩人因為一杯楊千嬅「飲過」嘅雞尾酒而起爭執，喺同一酒吧嘅吳浩康亦捲入事件，最後獲法庭判無罪釋放。

2012年被爆發酒癲隨街小便
吳浩康曾喺灣仔街頭醉酒發癲，更當街鬧的士司機兼隨街小便，形象直插谷底，吳浩康事後坦白承認醉酒鬧事，仲想喺的士裡面小便，好在被友人禁止。
from:http://hk.apple.nextmedia ... 160828/19752184

TOP

5^# 大中小 young 發表於 2016-9-14 01:50 發短消息

鍾舒漫促吳浩康捉緊幸福

鍾舒漫（中）、鍾舒祺（左）及鄭欣宜（右）出席暗中作樂音樂會，在黑暗中獻唱。

鍾舒漫（Sherman）和妹妹鍾舒祺、鄭欣宜及周柏豪前晚在九展出席《暗中作樂2016》音樂會，談到吳浩康日前受訪稱對不起舊愛，希望得到原諒，身為前女友的Sherman坦言早已原諒：「過咗去唔會計較，最想睇到佢得到幸福，事業達標。」提到吳浩康沒守承諾已有新女友，Sherman大方地說：「佢應該守住捉到嘅幸福，既然佢今日遇到佢嘅幸福，更加要捉緊，我都好戥佢高興。」

此外，周柏豪表示害怕暗黑環境，但最怕還是曱甴，不過女友卻可以徒手捉曱甴，他笑說：「呢啲係依賴，佢越唔驚我越會驚，調反轉如果佢驚，我係男人我會話唔使驚，我保護你。」

採訪：盧妹
攝影：陳俊強
from:http://hk.apple.nextmedia ... 160830/19753616

TOP

6^# 大中小 young 發表於 2016-12-10 17:53 發短消息

吳浩康感激女友體諒

吳浩康（Deep）昨日到商台宣傳下月中參與ViuTV音樂騷演出，他表示差不多8年沒有以個人身份演出，現在的心情既期待又興奮，更感激女友的體諒。他現時要兼顧生意、音樂學校和唱歌事業，拍拖時間非常少，而女友經常默默陪伴左右，問Deep女友是否結婚對象？他說：「𠵱家會認真去面對感情，啱啱先開始拍拖，言之尚早，但我𠵱家係咁睇嘅。」
from:http://hk.apple.nextmedia ... 161119/19838407

TOP

7^# 大中小 young 發表於 2017-8-19 21:46 發短消息

吳浩康「烏歪」落街

吳浩康係九龍東麗港城屋苑嘅老街坊，住喺度已經成十幾二十年，東姑聽住喺呢個屋苑啲friend講，經常見佢出出入入，仲話佢冇乜理會歌手嘅形象，落親街都好街坊裝。

早前，東姑去開麗港城竟然巧遇到佢，相信佢當時應該都係落街買啲嘢，見佢左手揸住電話，右手揸住鎖匙，着短褲、踢人字拖就咁行出街。不過，留意埋佢個look，連鬚都冇剃，頭都冇梳，睡眼惺忪似係啱啱瞓醒嘅樣，又真係過份「烏歪」咗。可能因為佢係呢處嘅「地膽」關係，所以不修邊幅都冇有怕喇！

吳浩康呢個街坊look，完全係不修邊幅，既冇剃鬚，又冇梳頭，似係啱啱瞓醒咁款。

身為麗港城「地膽」嘅吳浩康，出出入入都着短褲、踢晒拖，唔係好顧自己歌手嘅形象。

TOP