於2013年奪港姐亞軍的蔡思貝，被本報踢爆涉假學歷，極速於兩個月取得菲律賓一間大學的工商管理學士學位，消息傳出後惹來不少人議論紛紛。曾經與蔡思貝合作拍劇的莊思敏，前晚在圓方出席首映時，被問到此事，她說：「我有睇到呢單新聞，但係冇瞭解到呢件事，因為𠵱家佢都拍緊劇，所以唔知發生乜事。」
談到蔡思貝的為人，莊思敏說：「開工嗰陣覺得佢冇乜嘢，個人都好nice，兼且好爽朗，我又唔會無端端問佢學歷，我唔知道呢件事究竟係點，要等當事人解釋。」她續說：「但係我個人認為有冇嗰張證書又唔係咁重要，我自己都冇大學畢業，可能佢係港姐，所以大家會比較關心佢嘅學歷係咪真，希望呢件事快有個答案，唔希望影響到太多人。」
莊思敏前晚稱蔡思貝似乎不知自己發生了甚麼事，希望她儘早瞭解。
莊思敏與蔡思貝因合作拍劇而認識，私下亦經常相約飯局。微博圖片
至於會否擔心假如真有其事，蔡思貝要坐監？莊思敏說：「嚇？乜呢啲要坐監？我梗係唔希望呢啲事會發生，或者等佢瞭解嚇件事先，佢好似唔知自己發生乜事，等佢瞭解嚇先喇！」
翠翠：工作唔使文憑
身為蔡思貝師姐的葉翠翠，前晚在灣仔亦被追問此事，與蔡思貝相熟的她說：「自己冇留意，唔知道，只係覺得佢為人好nice，其實乜嘢學歷都唔重要。」問她會否覺得影響港姐形象？她說：「搵咗件事係咪真先，總之唔會影響同佢感情。學歷唔係好緊要，我哋工作又唔使乜嘢文憑，我哋唔係做專業人士。」
葉翠翠（右）前晚表示會傳短訊問候港姐師妹蔡思貝。
至於會否找蔡思貝瞭解？翠翠冧爆地說：「你都知啦，我𠵱家乜嘢都係老公排第一，唔會刻意搵，我係唔係都支持佢嘅，不過既然你哋咁講，我就發個短訊錫嚇佢啦！」此外，翠翠又透露目前努力調理身體，希望生猴B。
採訪：卓寶花、譚倩宜
攝影：陳順禎
from:
http://hk.apple.nextmedia ... 151114/19372224
