53歲嘅本港澳洲籍練馬師賀賢，去年向2009年港姐亞軍李姿敏(Germaine)求婚成功，前日兩人喺澳洲墨爾本正式拉埋天窗！
婚禮上，29歲的Germaine邀請咗同屆港姐冠軍劉倩婷同季軍熊穎詩做姊妹，Germaine仲喺instagram上載開心片段，出嫁前與一班姊妹齊齊穿上絲質睡袍喺床上影合照。婚禮時，Germaine就穿上一條low cut婚紗裙，高舉花球與姊妹們一齊扭屁股，玩得好開心。
由於李姿敏同老公年齡相距24載，李姿敏去年受訪時曾坦言父母起初好抗拒:「初時爸爸媽媽都好抗拒，後來我哋相處落好好，好舒服，我哋之前一齊，後來分開咗兩年，再一齊好珍惜大家。我哋計劃生小朋友，而且想保持性別神秘，到生育時先揭曉。」
其實李姿敏同馬圈早有淵緣，佢屋企人做過馬主，養過一匹「飛銀動力」，贏得2011年三級賽港澳盃。李姿敏同賀賢相差24年，忘年戀開花結果，但佢哋撻着愛火的地方，原來唔係馬場，而係健身室相識，由傾偈開始。
from:
http://hk.apple.nextmedia ... 170724/20099381
