梁佩瑚爆港姐黑幕陳法蓉違規講大話

有線節目《娛樂熱辣辣》的「絕密真相」邀請89年港姐季軍梁佩瑚擔任嘉賓，大爆當年選美黑幕，自揭與她同屆冠軍陳法蓉違例拍攝週刊封面，事後還當眾落淚扮委屈！

梁佩瑚不諱言當年選美規矩嚴厲，不准佳麗私下接受傳媒訪問，她說：「當時有週刊搵我影封面唔敢應承，對方仲遊說我話陳法蓉都拍咗，我話冇可能，點知後來真係見到佢做封面。」梁佩瑚記得當時保母拿著週刊大興問罪之師，陳法蓉自辯說是參選前為模特兒公司拍的舊相，還激動落淚表現委屈。梁佩瑚笑說：「點知畀我哋發現佢崩左嘅手指甲，同佢所謂舊相上嘅指甲一樣咁崩囉，估唔到可以咁複雜！」

梁佩瑚（左三）揭陳法蓉（右二）參選違規接受週刊訪問。資料圖片

（左起）楊玉梅與施綺蓮及吳綺莉同屆，她稱當年選美大開眼界。資料圖片
匿廁所打給男友

重提當年舊事，問梁佩瑚可擔心陳法蓉會嬲？她昨日透過短訊說：「只係講曾經感受過嘅故事，唔係乜嘢黑幕。同佢冇心病，𠵱家又唔係細路咯，就快50歲，怕乜佢嬲呀，唔會啦！」

節目中，梁佩瑚透露當年保母手上有一本操行簿，記錄佳麗操行供評判查閱，她爆自己經常匿廁所和男友講電話，所以操行麻麻，她解釋：「我唔係壞分子，係百厭箒，所以我成日講笑，如果有黑幕我就攞第一嘞。」

對法蓉違規仍得冠軍，可有不甘心？梁佩瑚說：「冇㗎，我都冇諗過攞獎，大家睇番當年啲帶，我300度近視都冇戴隱形眼鏡，上台走錯曬位，攞第三都好開心。」記者曾致電陳法蓉，但未獲回覆。

亞姐倒痕粉打交

此外，亞姐方面原來也有操行簿，而操行最差的是90年楊玉梅那一屆！身在內地的楊玉梅接受電話訪問時透露：「同我同屆參選嘅有吳綺莉、施綺蓮、陳寶蓮等，我哋嗰屆好精采㗎！有佳麗用鉸剪剪爛其他佳麗嘅衫，等佢出唔到場，又有人倒痕粉落人哋件衫度，等佢當眾出醜，仲有人打交，真係大開眼界！」

採訪：嵐山
from:http://hk.apple.nextmedia ... 160909/19764818

資料圖片
89年港姐季軍梁佩瑚日前接受有線訪問爆選美黑幕，指當年同屆冠軍陳法蓉違例為周刊影封面，事後又扮委屈解釋是舊相，她在節目說：「點知畀我哋發現佢崩咗嘅手指甲，同佢所謂舊相上嘅指甲一樣咁崩囉！」陳法蓉昨在微博反擊：「吃不到的葡萄是酸的。天下本無事，奈何多庸人自擾。唉……」而梁佩瑚則以短訊回覆本報：「冇回應！中秋節快樂！」

採訪：皓騫
from:http://hk.apple.nextmedia ... 160914/19769895

蔡少芬（右）為老友陳法蓉（左）護航，直言要「錫番同支持佢」。資料圖片
梁佩瑚早前在有線節目爆當年選港姐黑幕，暗指同屆陳法蓉（Monica）疑違規為雜誌影相又扮委屈。事後陳法蓉在微博神回﹕「吃不到的葡萄是酸的。天下本無事，奈何多庸人自擾。唉……」好姊妹蔡少芬（Ada）和洪欣聯手抗梁，Ada在微博寫道：「四個字──不知所謂！」

梁佩瑚早前指陳法蓉當年選美時違規為雜誌影相。資料圖片

明日是蔡少芬的43歲生日，古仔（右）和張智霖為她預祝。

DaDa前晚輕露性感，以黑色露肩長裙現身首映禮。

再講冇意思

前晚Ada與古天樂、張智霖、陳靜（DaDa）、盧海鵬、蔡潔等在旺角出席電影《S風暴》首映，Ada否認生氣，她說：「唔係好嬲，嗰日我喺北京宣傳，瞓醒一開微博見到阿Mon咁講，覺得好不知所謂，唔使理，知足常樂。」Ada表示有見過梁佩瑚，但不認識，強調是對事不對人，她說：「我嘅心態係開心就得，成件事好無奈，已經係20幾年前嘅嘢，都好奇怪，講出嚟冇意思，最緊要唔好傷害人，我都係想錫番阿Mon同支持佢。」問會否了解真相？Ada坦言：「唔會特別問。」

收壽包慶生

Ada明天43歲牛一，前晚大會送壽包預祝，Ada透露正日會與家人慶祝，她說：「老公唔係浪漫嘅人，但今年生日想要一樣嘢，要訂嘅，唔知得唔得到。」是否想生多個BB？她笑說：「唔會搵自己嚟辛苦。」

DaDa自從奪得金像獎最佳女配角後，成為電影界搶手貨，最近自己有份參演的新戲《S風暴》和《此情此刻》同期上映，前晚她收起性感，穿上露肩黑色長裙現身。而在戲中與盧海鵬有不少對手戲的蔡潔則獲男友王宗堯到場支持，兩人十指緊扣任影，大晒甜蜜。

古天樂早前與古巨基合唱《當年情》，古仔直言好感激張國榮當年一手提攜兩人，特別唱此曲悼念對方。問有沒有機會現場演繹？他認真地說：「唔好搞呢啲，錄歌已經好破天荒。」在旁的張智霖則抵死搭訕道：「我都好想同古仔合作，下次演唱會搵佢做嘉賓。」

採訪：張俊銘
攝影：沈健程
from:http://hk.apple.nextmedia ... 160916/19771923