50歲李澤楷撻著港姐郭嘉文戀情全記錄

1^# 大中小 young 發表於 2017-5-26 16:22 發短消息

今年50歲嘅小小超李澤楷向來低調處理感情事，而且保密功夫做得好好。小小超自11年同梁洛施分手後，雖然身邊女伴不停轉，但係都少有高調公開。不過小小超最新一段戀情，同15港姐出身，24歲嘅郭嘉文經常被影到，似乎「疏於防範」。

先係舊年嘅情人節，有讀者喺日本東京銀座博物館影到小小超同一名長髮黑絲口罩女一齊，二人平玩電動模型車，只係花咗45蚊就換取到20分鐘嘅快樂。當時都未知呢位長髮黑絲口罩女就係郭嘉文。到舊年7月，郭嘉文身份曝光，雖然記者多次追問小小超，都係換嚟：「Work has been very busy lately感情事暫不想提了，謝謝你關心。」更有指戀情曝光後，大台雪藏郭嘉文，過咗1個月後，郭嘉文終於「被解凍」，出現喺《東張西望》。

到今年3月，有報導指郭嘉文以個人名義，購入九龍塘逸瓏天池屋，當時成交價1.068億元，呎價近5萬元。及後《蘋果》記者向李澤楷查詢係唔係同郭嘉文交往中，並送贈1億豪宅？李澤楷以短訊回覆：「Have a good evening!Richard!」

到今年4月，小小超被影到現身中環，揸住架09年出廠、價值186萬元嘅保時捷戰車，親自做柴可夫接郭嘉文。當時《蘋果》向小小超查詢戀情會否公開時，小小超只回應：「今個週末難得可以不需要外地工作，you have a good evening!Richard P.S.switching phone off now.」難道言下之意係難得唔使開工，就同郭嘉文過二人世界，仲講明要熄電話避打擾？

到本月14日，小小超被影到揸戰車，載住郭家文現身灣仔合和中心附近，期間小小超輕撫郭嘉文臉龐，真係冧到爆。之後二人到大潭黃泥湧峽道的香港木球會，二人落車後手拖手，又攬攬腰，真係sweet到爆，兩人之後進入木球會會所餐廳，直至個多小時後離開。
from:http://hk.apple.nextmedia ... 170526/20034009

廷伸閱讀/相關主題推介:

相關主題:港姐李澤楷

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-6-8 17:31 發短消息

煙韌蜜遊新加坡郭嘉文撒嬌樹熊抱抱李澤楷

讀者日前在新加坡Park Royal酒店外，發現李澤楷攬實郭嘉文經過。讀者提供圖片
【爆相爆片】現年50歲的鑽石級富豪王老五李澤楷身邊女伴車輪轉，去年情人節上場的15年度港姐季軍郭嘉文，早前離開無綫後專心做跟得「楷女郎」，日前着牛仔短裙騷長腿陪李澤楷蜜遊新加坡，被當地華僑讀者千小姐透過「爆相爆片」分享，郭嘉文更樹熊上身攬着李澤楷撒嬌，煙韌到暈。

郭嘉文等過馬路期間，變身樹熊向李澤楷撒嬌。讀者提供圖片

郭嘉文上月才被拍得陪李澤楷到香港木球會。資料圖片

郭嘉文（右）日前在Ig上載的晒腿相，打扮跟她在新加坡時一樣。互聯網圖片
沿途有講有笑

日前千小姐接受電話訪問表示，當日傍晚6時許，她經過位於Chinatown的Park Royal酒店，見到李澤楷和郭嘉文攬着行過，千小姐說：「當時佢哋身邊都冇保鑣，初時冇為意佢係李澤楷，因為冇戴帽又冇戴黑超，不過佢哋好似行錯路，當佢哋行返轉頭時，就清楚認到係李澤楷同郭嘉文，佢哋有講有笑好開心，之後郭嘉文見到我影相，佢就刻意扮玩手機，反而李澤楷好似冇留意到。」

郭嘉文似乎好鍾意着粉紅色，繼上月中着粉紅衫陪李澤楷到香港木球會，這日再以迷人pink lady襯牛仔裙，而李澤楷就着白色polo恤襯牛仔褲，雖然兩人年紀相差26年，但打扮十分合襯，身為名人的李澤楷毫不避忌，親熱地搭着郭嘉文香肩浪漫街頭，當兩人停下等過馬路時，郭嘉文更變身樹熊撒嬌，雙手箍實李澤楷投懷送抱，表現跟一般情侶無異。

回應只談公事

李澤楷和郭嘉文於兩個月內已三次被捕獲拍拖，記者聯絡李澤楷問到是時候公開戀情嗎？他以英文短訊回覆：「抱歉！只問有關公事問題吧。」轉問今次到新加坡是否公幹？他表示：「對不起，正在食午餐。」完全避答感情問題。

採訪：皓騫
from:http://hk.apple.nextmedia ... 170608/20047860

TOP

3^# 大中小 young 發表於 2017-6-18 19:42 發短消息

同楷楷蜜遊新加坡後冧爆郭嘉文：被想念的感覺真好

15年港姐季軍郭嘉文，自從做咗「楷女郎」，就專心做跟得女友，而且同楷楷愛得高調，上個月先俾《蘋果》影到陪男友李澤楷到香港木球會，日前二人又飛去新加坡旅行，等馬路期間，郭嘉文仲化身樹熊向李澤楷撒嬌，煙韌到暈。

蜜遊完嘅郭嘉文喺IG貼相，抱住隻貓一副冧樣嘅留言：「被想念的感覺真好，I miss you so。」唔知佢係想同貓咪講，抑或同男友講呢。
from:http://hk.apple.nextmedia ... 170615/20056406

TOP

4^# 大中小 young 發表於 2017-8-15 19:50 發短消息

郭嘉文男友贏晒陳凱琳拍劇擦出愛火花

以前選港姐係晉身豪門嘅機會，不過今時今日就唔同晒，有唔少參選前已經有晒男友，仲要個個都係才俊嚟o添！

馮盈盈
去年港姐冠軍馮盈盈喺參選時已經自爆有男友，之後男友仲極速被起底，男友原來係十優醫生男友，馮盈盈為咗保護男友身份，刪咗唔少社交網站上嘅合照。

龐卓欣
2015年嘅港姐亞軍龐卓欣出身豪門，當選後未有同大台簽約，反而去做YouTuber，佢男友嘅家世都有返咁上下，男友孫智威（Solomon）係「鐘錶大王」孫秉樞嘅孫仔。

郭嘉文
與龐卓欣同屆嘅季軍郭嘉文今年24歲，男友就係「城中筍盤」小小超李澤楷，郭嘉文早前仲同大台約滿，離開工作兩年嘅大台，仲不時被影到同小小超拍拖，非常咁恩愛。

陳凱琳
2013年港姐冠軍陳凱琳，當選後仲極速被大台安排拍劇，不過喺拍《殭》同同劇嘅鄭嘉穎擦出愛火花，佢哋亦唔介意公開關係。
from:http://hk.apple.nextmedia ... 170810/20117376

TOP

5^# 大中小 young 發表於 2017-8-15 20:23 發短消息

郭嘉文暗讚小小超心思

小小超（小圖）女友郭嘉文生日，指心思禮物最珍貴。互聯網圖片
郭嘉文自戀上「小小超」李澤楷，升呢做「楷女郎」後地位超然，今年3月約滿無綫後便專心做跟得女友。將於月底25歲生日的她昨日在Ig貼出慶祝生日相，相中只得她一人，不過就在蛋糕前拿起「Happy Birthday Karmen」字樣的氣球，露出冧爆笑容，除留言：「踏入8月，第一餐生日飯。」外，更hashtag了「好欣賞無cream嘅蛋糕」、「心思禮物最珍貴」，未知她所指的人是否小小超。

陳冠希女友秦舒培在東京慶祝生日。互聯網圖片
另外，陳冠希的超模女友秦舒培日前27歲生日，她在Ig貼了一幅在Snoopy戶外餐車前嘆凍飲的相片，更留言寫了東京史諾比博物館的字樣，似乎與陳冠希身在東京慶祝。

撰文：唐如
from:http://hk.apple.nextmedia ... 170814/20120630

TOP