圈中孝順女葉翠翠前日掃定靚糉準備與父親過端午節，為氹老人家開心不惜買足兩大袋，然後吃力地獨自攞上車；至於廿四孝媽媽薛家燕，日前亦出動陪愛女睇衫，除守在試身室外等候，更負責簽卡埋單！
翠翠單拖買糉，去到老字號左睇右揀。
葉翠翠母親早前因病離世，母親仙遊後翠翠堅持接父親同住，為照顧老父不遺餘力。端午節將至，孝順女翠翠前日傍晚6時多特地親往銅鑼灣一老字號買糉，預備和父親應節。身穿白色衫的翠翠獨自急步而行，到店內面對林林總總的糉，她明顯有點不知所措，迷茫地行了一圈，馬上有職員前來協助。
翠翠揀糉心大心細，不停向職員查詢，問清楚用料和成分，最後揀足兩大袋，睇怕總有一款合葉爸爸心水，翠翠買完糉後不假手於人，自己吃力地挽著兩大袋戰利品離開，行了一條街終頂不住要抱糉再行，然後到停車場取車。
勁掃兩大袋糉的翠翠有點吃力。
翠翠在母親病逝後與父親更見親厚。
薛家燕買衫送女
至於早年離婚後一直母兼父職的薛家燕，日前陪女兒石祐珊行街，女兒埋首衫堆揀不停，不停穿梭試身室，家燕媽媽則站在試身室外講電話打發時間，期間有fans上前邀合照，她友善地一一答應，及至女兒揀啱心水，家燕媽媽二話不說馬上掏出信用卡代為付款，其後兩母女齊齊離開。
薛家燕陪囡囡買衫兼碌卡，離開時家燕媽媽忙著與途人打招呼，勁受歡迎。
文、
From:
http://orientaldaily.on.c ... /00282_017.html
