曾被指愛釣金龜的葉翠翠，經歷過連番感情挫敗後終於醒覺，寧要愛情不要麵包，去年翠翠邂逅了中產男友周曉東，縱使男友曾結婚並有一女，翠翠也愛得死心塌地，拍拖僅10個月便決心下嫁。一對新人昨在中環舉行婚禮，翠翠要老公表決心，不惜逼老公狂吞整盤昆蟲，包括蠍子及鹹竹蜂等，翠翠最終在歡笑聲中由葉小姐變成周太。
現年33歲的05年港姐冠軍葉翠翠，昨日跟拍拖10個月的建築師兼公司副董事男友周曉東（Raymond）拉埋天窗，二人於中環四季酒店註冊結婚及擺喜酒，筵開三十二席。婚宴上翠翠戴上當年港姐冠軍的后冠與老公切餅及合巹交杯，重現港姐的風采。
婚宴場地外以花牆作佈景，穿上白色低胸婚紗的翠翠，於下午5時許挽著老公臂彎，現身切蛋糕給傳媒拍照，幸福滿瀉。不過，除新娘子三吋事業線吸睛外，她手上的翡翠、珍珠、三卡鑽石和紅寶石戒指同樣養眼。
【蝦碌誓詞】
宣誓時一對新人講到「甩甩咳咳」，幸戴婚戒時未有蝦碌。
【后冠重現】
婚宴上翠翠戴上港姐后冠跟老公咀嘴及合巹交杯。
【深情咀嘴】
婚前一夜反傳統
一對新人應傳媒要求嘴對嘴合照，其後翠翠受訪，透露珍珠及翡翠戒指是奶奶送贈，鑽戒則為求婚戒指。接新娘要過關斬將，翠翠老公當然也不例外，翠翠說：「我哋玩個日本遊戲，喺飲管放咗少少昆蟲，有蠍子、鹹竹蜂同埋海馬等等，雙方鬥大力吹，但我老公狂贏，我覺得唔得，佢要排除萬難娶我㗎嘛，所以我要佢食咗剩低嗰盤昆蟲，我先至出嚟見佢。」有何感動場面？翠翠笑說：「講愛的宣言時，我有啲『甩咳』，搞到我喺度笑，好多人覺得講誓詞會感動到喊，點知老公又係講到『甩甩咳咳』，搞到我又喺度笑，所以我問自己結婚過程冇喊係咪一個遺憾呢？不過今晚可能會喊都唔定㗎。今晚我會同大家分享同媽媽點滴，以及同男朋友相處嘅嘢，因為佢識咗我之後都好大壓力。」
新人結婚前一夜往往分開不見面，但翠翠卻反傳統一齊過夜：「自己唔係一個傳統嘅人，冇所謂啦，噚晚上頭儀式有啲甩漏，又唔記得點蠟燭，準備啲湯丸又有問題，所以剩係聽一梳梳到尾都聽咗四次，不過都好開心。今晚擺三十二圍，其中兩圍圈中人，舊年媽咪喪禮冇通知啲藝人去，但啲藝人對我好好，去咗媽咪喪禮度，所以今次希望同佢哋分享番。」婚後可努力造人？翠翠表示不會：「同老公有共識，想過二人世界先！」
採訪：卓寶花
from:
http://hk.apple.nextmedia ... 150712/19216672
