李逸朗（Don）早前用哭腔唱《儍女》爆紅，有網友笑他因蔣雅文（Mandy）結婚，新郎不是他傷心過度。昨日再爆其舊愛葉翠翠，將於今年七月下嫁建築師兼公司副董事男友周曉東（Raymond），恰巧Don又入錄音室翻錄陳慧嫻經典歌《夜機》，唱到「今天起的每晚縱有星光燦爛，可惜心灰意冷，情途更暗淡路更彎」幾句歌詞時，背景音樂便出現槍聲及慘叫聲，歌曲最後四十秒更加只有接收不良的沙沙聲，沒有哭腔，但一切都彷彿停頓下來，有無限暗喻。
求婚冇花
葉翠翠與Don於二○○六年被踢爆拍拖，戀情維持一年左右告終，準人妻葉翠翠昨日接受電話訪問，承認婚禮會在七月舉行，現在籌備得頗順利：「七月會擺酒，但未影婚紗相，會喺香港影。」
葉翠翠指男友在外地求婚，男友備有戒指但沒花。《忽然1周》圖片
李逸朗兩位舊愛蔣雅文（左）和葉翠翠先後結婚。資料圖片
提到男友求婚過程是否很浪漫？翠翠冧笑說：「佢覺得囉，佢唔係喺香港求婚，但求婚孖寶應該係花同戒指，佢就冇準備花囉，但都sweet嘅！」她又說婚後會繼續工作，雖有打算生BB，但會先過二人世界，又指父親得悉她結婚很開心，向她贈言要與夫婿互相包容。
「替佢開心」
至於Don昨日亦在電話大方祝福翠翠：「真係替佢開心，終於搵到個如意郎君，我哋好耐冇聯絡，只係之前做嘢碰過面。」問Don在《夜機》MV為何加入槍戰及中槍畫面，是否暗示自己情路再受挫？他笑說：「我𠵱家單身，但都開心，我只係想將音樂變為睇得到。」
Don續說：「《夜機》當年係講啲人移民搭夜機走，𠵱家冇乜人移民，我就用幾個麻甩佬離鄉別井去打仗嗰種離別嘅感覺去代替。」至於最後四十秒沒有唱下去想表達其麼？他說：「冇呀，我就係想睇嚇有幾多人會有耐性聽到尾囉！」
採訪：小米、何慧斯
【Don《夜機》又抽慧嫻水】
李逸朗翻唱《夜機》，將自己頭像剪貼在軍人打仗畫面上。MV圖片
【搶嫁女星】朱慧敏最快
葉翠翠決定結婚當人妻，還有多位女藝人搶住嫁，最快一對相信是拍拖三年的朱慧敏跟前EO2成員Eddie，事關Eddie已求婚成功。
蘇玉華更事先張揚隨時閃嫁有劇團王子之稱的潘燦良；另一位搶住嫁女藝人，則非胡杏兒莫屬，她與男友Philip雖只拍拖數月，但愛得痴纏，有傳Philip已向杏兒求婚，故杏兒於羊年閃婚機會也很大。
朱慧敏、Eddie
蘇玉華、潘燦良
胡杏兒、Philip
From:
http://hk.apple.nextmedia ... 150217/19044911
