甄珍同劉子千昨晚參加金利豐老闆娘朱李月華娶新抱嘅喜宴，甄珍拎住利是到場，佢就話俾利是人情係少少心意，講到同劉家昌離婚嘅新聞，佢就立即退後話：「謝謝，今日來祝福，不談這些。」
劉子千就肥咗好多，至少脹咗兩個碼，佢話因為之前斷咗韌帶，喺醫院住咗三個月，肥咗30磅，0依家要努力keep fit。
講到爸爸媽媽離咗婚20幾年，佢就話都係0依家先知，但佢哋永遠都係自己嘅爸爸媽媽，細個啲嘢唔太清楚，都唔會去問，最重要係佢哋兩個開心，佢又話：「媽媽住香港，我住台灣，會來香港多點陪媽媽。」佢仲話都有一段時間冇搵爸爸劉家昌，因為知爸爸唔帶電話。問到知唔知爸爸係唔係有經濟困難，劉子千就笑言自己經濟仲困難，都想搵爸爸，但係劉家昌成日都周圍去。
from:
http://hk.apple.nextmedia ... 151116/19374966
