陳豪（Moses）和陳茵媺（Aimee）組織幸福美滿家庭，早前搬入大埔豪宅比華利山獨立屋，Aimee又宣佈再度有喜，怎料搬新居後是非多多，早前Aimee疑為BB棄養三隻貓，被人狂轟，昨日又有報導指Moses經常邀請好友到新居開派對，但每戶只得兩個車位，朋友為方便將車泊在其他住客停車位旁邊，阻住鄰居出入，惹來住在Moses對面的外籍鄰居不滿。
外籍鄰居自製tee鬧Moses，當中有不雅字句。互聯網圖片
管理處不理
據稱外籍鄰居指Moses屢勸不改，之後行動升級去管理處投訴都沒用，外籍人士最後自製tee發洩，上面寫著「Moses Chan Stop Parking In Front of My Car Park You Coxk!!!」並斥Moses自以為是「比華利山大王」，不理人感受。有街坊在fb提議外籍鄰居做個招牌放紅隧，及將tee派街坊，外籍人士聽完意見，最新力作是將Moses與CY的tee放在一齊並於fb留言：「我將憤怒化為創造……teeeeeee」。
麥長青（麥包）昨日在電話中為好兄弟Moses抱不平，他說：「嚇！唔係呀，乜咁冇品，又話西人好有禮貌。」麥包讚Moses和Aimee是好人，認為隔籬鄰舍應互相體諒：「啲鬼佬好鍾意懶係執正嚟做，有時喺街見到啲西人（外籍人士），覺得自己好高人一等，我唔係踩西人，但有時佢哋做就得，見香港人或中國人做就好反感。」
外籍鄰居投訴Moses的訪客座駕頂著他的車出入。互聯網圖片
外籍人士再在fb將Moses與CY的tee合併，以洩不滿。互聯網圖片
沒收過投訴
麥包續說：「可能香港人慣咗獅子山下精神，呢啲家家有求，我開派對你都會開，嗰度附近冇乜公共停車場，而且車頭都會寫低電話號碼。我覺得或者人哋知佢係藝人，咪好搞啲，小題大做居多。」問下次再去Moses屋企會否泊遠些或轉乘的士？他說：「或者我泊正個鬼佬門口囉，講笑箒！其實我屋企人嗰度有車位，會泊番自己度，但其實都好耐冇去，Aimee大肚點會成日打搞呢？」
與Aimee是鄰居兼好友的戚黛黛昨日在電話中說：「有朋友嚟我屋企都係咁泊，其實好小事，對方反應大咗少少。」Moses則透過短訊回覆：「誤會了，我們不會做影響他人的事，亦沒有收過任何鄰居投訴。」還做了一個笑臉公仔。
採訪：嵐山、魯吉
陳豪和Aimee搬入新居後，經常招來是非，如之前Aimee被轟因囝囝棄養貓貓。資料圖片
from:
http://hk.apple.nextmedia ... 141023/18908794
