同陳豪賀結婚3週年陳茵媺發燒慘慘豬

1^# 大中小 young 發表於 2016-6-17 20:57 發短消息

陳豪同陳茵媺前日結婚3週年，結婚3年生3個都仲咁sweet，喺微博post咗張飲珍珠奶茶嘅相，仲話：「同皇上抽了幾個鐘去飲嘢！」皇上係邊個？睇嚟就係陳豪嘞（同朕check下...)！

不過好景不常，昨日傍晚時份，Aimee再喺微博再開post話：「39 degrees...Being sick is not fun.兩個王子病咗成個星期...照顧佢哋好返之後，而家到我啦。」張相Aimee貼住退熱貼，仲一臉病容咁，真係陰功豬喇！
from:http://hk.apple.nextmedia ... 160614/19653725

廷伸閱讀/相關主題推介:

相關主題:陳茵媺陳豪發燒

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-6-22 19:43 發短消息

陳豪：茵媺係皇后

陳豪昨日在沙田出席父親節活動，今年多了位小公主Camilla陪伴過父親節的他說：「唔想丟低個女喺屋企，所以喺屋企食飯就算。大仔畫畫、填顏色送畀我，好開心。」至於太太陳茵媺最近抱恙，他說：「我會全力以赴照顧佢，佢應該差唔多復工。」他透露太太有很多工作，不需他批准：「佢係皇后呀，我都係要佢批准㗎！」

採訪、攝影：盧妹
from:http://hk.apple.nextmedia ... 160619/19659989

TOP

3^# 大中小 young 發表於 2016-7-1 06:12 發短消息

陳豪兩子爭住同細妹玩

陳豪噚日喺銅鑼灣出席惜食堂舉行「全『誠』罐善心」活動，佢話兩個仔好鍾意砌積木，有創意之餘仲好百厭，成日爭玩具：「佢哋成日爭住同妹妹玩，妹妹都好黐哥哥，但佢得兩個月咋。」問會否再生？佢話：「夠啦，仲唔夠咩？見佢哋打成一片，都好開心。」問太太陳茵媺幾時復出？佢話：「唔會夫妻檔演戲，但唔抗拒拍廣告或者真人騷。」

撰文：馮仁昭
from:http://hk.apple.nextmedia ... 160629/19673630

TOP

4^# 大中小 young 發表於 2016-7-1 21:17 發短消息

陳豪擲2000萬為仔鋪路

陳豪同陳茵媺（Aimee）三年抱三，大仔Aiden就快讀K1，噚日有報道話陳豪兩公婆為咗三子女嘅將來鋪路，不惜工本安排Aiden入讀著名嘅哈羅香港國際學校，用10萬讀學前班，500萬買國際學校資本證券，使咗超過2,000萬。陳豪噚日喺將軍澳宣傳嗰陣話：「其實𠵱家仲搵緊學校，國際學校或者本地學校都會考慮，最重要都係想搵到啱個仔嘅學校。」

撰文：馮仁昭

馮仁昭
from:http://hk.apple.nextmedia ... 160701/19676795

TOP

5^# 大中小 young 發表於 2016-9-14 23:31 發短消息

陳豪湊仔拍劇打孖上

陳豪昨日指老婆陳茵媺未有因被影到未收身而不快。

陳豪昨到金鐘出席咖啡室開幕，他出品的自家咖啡在店內有售，問到有否計劃開店？陳豪說：「遲啲啦，要不停做多啲實驗，加上租金都係問題，今年未必成事。」會否寧願搞好咖啡和湊B而減少拍劇？他說：「咁又唔好喎，我本身係演員，希望雙線發展做湊仔公湊女公。」至於老婆陳茵媺被影到未收身，陳豪坦言老婆沒不快。

同場的洪欣表示自細想做生意，曾開童裝、水果、飾物店，她自嘲說：「冇一次成功，始終唔熟行，要落手落腳做才好。」她坦言試過跟朋友夾份因財失義，問跟老公會否沒問題？洪欣笑說：「梗係，老公搵到錢交畀我，佢唔理錢銀，自己定時畀零用錢佢仲開心，因為佢洗腳唔抹腳，需要然人幫佢理財。」

採訪：馬建華
攝影：陳順禎

靚媽洪欣昨自嘲搞生意未試過成功。

眾藝人昨日在金鐘出席咖啡室開幕活動。
from:http://hk.apple.nextmedia ... 160909/19764782

TOP

6^# 大中小 young 發表於 2016-10-23 22:28 發短消息

陳豪陳茵媺初次帶細女現身

張嘉兒喺9月就生咗B女Leora，正式做咗人母，而喺張嘉兒喺圈中人緣一向好好，所以呢段期間，好多圈中好友都有去到探佢同BB，昨日佢就喺微博貼咗張相，好似有湯洛雯、蔣家旻、戚黛黛、朱凱婷、岑杏賢、張美妮、楊卓娜同陳豪兩公婆，仲留言話：「Leora is one lucky,extremely blessed baby！寶寶多謝咁多位哥哥姐姐來探佢和送給她的禮物。」

而陳豪同陳茵媺兩公婆，抱住個B女，就係細女Camilla，見到BB好多頭髮好可愛，陳豪抱住前世情人，兩父女真係好sweet。

《蘋果》問到陳豪係唔係帶埋B女去探張嘉兒，佢就回覆咗一個有心嘅鍚鍚表情符號喇。
from:http://hk.apple.nextmedia ... 161016/19802493

TOP

7^# 大中小 young 發表於 2016-10-23 22:34 發短消息

陳豪帶B女探張嘉兒

陳豪攬着5個月大的囡囡Camilla，茵媺就抱住張嘉兒的BB。微博圖片
張嘉兒上月8日為老公Nathan誕下囡囡Leora，連日來不少好友前往張嘉兒家探望。初為人母的張嘉兒前晚開心得將眾好友探望B女的照片貼上微博，包括陳豪、陳茵媺、湯洛雯、戚黛黛和岑杏賢等，張嘉兒又留言：「Leora is one lucky,extremely blessed baby！寶寶多謝咁多位哥哥姐姐來探佢和送給她的禮物。」

張嘉兒誕下可愛B女，獲多位好友來探望。

陳豪夫婦還帶同5個多月細女Camilla探望Leora，見Camilla眼仔睩睩胖嘟嘟，十分可愛。記者前晚致電陳豪是否帶細女探望張嘉兒時，他透過WhatsApp以一個錫錫表情符號回覆。

採訪：魯吉
from:http://hk.apple.nextmedia ... 161017/19802917

TOP