陳茵媺陀第3胎陳豪：會畀老婆副偈唞嚇

陳豪近日不但開行turbo工作頴銀，原來更開行turbo跟老婆陳茵媺（Aimee）造人。今年2月才為陳豪生下二仔Nathan的Aimee，昨日又宣佈懷孕三個半月，三年抱三，雙陳生產力可謂極度驚人。Aimee昨日谷咪上陣出席活動，腰肢圓潤。至於三度一擊即中的陳豪，昨被讚勁力十足時鬼馬地以「hehe」回應，並笑說：「生完三個之後會畀佢副偈唞唞㗎啦。」

陳浩民早前宣佈太太蔣麗莎第四度懷孕，還以為他五年抱四最勤力，但原來一山還有一山高！34歲陳茵媺跟44歲陳豪結婚才兩年多，已三度懷孕，前年12月產下大仔Aiden陳梓燁的Aimee，今年2月再誕下二仔Nathan陳浩鋒，原以為她月前約滿無線後全力湊B，但原來她又準備生第三胎，三年抱三，生產力極度驚人。

【追B成功】

陳豪與陳茵媺認兩個未夠數，所以繼續造人，成功製造第三B。

資料圖片

【谷出巨咪】

懷孕三個半月的陳茵媺昨谷咪上陣，腰肢顯得十分圓潤。

【友人扶實】

上落樓梯時均由前經理人嘉莉小心扶實。

「三個夠喇，四個太攰」

昨日Aimee穿上低胸晚裝襯五吋高踭鞋出席在九龍環球貿易廣場舉行的ASHOKA鑽飾品牌活動，身上佩戴過億鑽飾，閃爆全場，但最「爆」的，還是她宣佈第三度懷孕消息。Aimee昨上落台時均由前經理人嘉莉小心扶實，記者問她老公可有送她甚麼貴重禮物時，Aimee笑指兩個兒子，並大爆：「嚟緊就會有第三個！呢份係一份最大嘅禮物。有咗喇！三個半月！未知仔定女，仔女冇所謂，最緊要健康。」

昨見Aimee腰肢圓潤，她指今次懷孕並非意外，自言跟老公都早已有共識生三個小朋友，並有預感今胎也是囝囝，她說：「因為阿Mo（陳豪）嗰邊都係三兄弟，我自己都有細佬，仔女都冇所謂，都係嗰句，好開心！」記者笑指她三年抱三豈非很辛苦時，Aimee則表現輕鬆說：「屋企已經有兩個小王子，加埋阿Mo有三個小王子，所以知道點照顧，多一個都冇問題。」

三度懷孕的Aimee，不但不會推工作安胎，還揚言會繼續出席商場活動賺奶粉錢。Aimee今年8月舉家到蘇梅旅行，至上月到大馬與杜汶澤拍攝電影《開飯喇！》，當時又跑又拍通宵的她還未知道懷孕，直至拍攝完返港後才獲悉。問BB是否在蘇梅製造？Aimee表示未敢肯定，並說：「其實我同阿Mo係plan咗要三個小朋友，三個夠喇，四個太攰，而且我自己想繼續演戲。」

【狂影愛女】

陳茵媺父親昨日在活動上不停為愛女拍照。

【又係大馬】

陳茵媺前年在大馬拍攝劇集《單戀雙城》（左圖）時未知自己懷有第一胎身孕，豈料上月到大馬拍攝電影《開飯喇！》又是懵然不知懷有第三胎，還毫無顧忌喪跑（右圖）。

陳豪：多啲嚟密啲手

密密造密密生的陳豪，昨日透過WhatsApp回應本報說：「I'm rather happy to share this joyful news of ours to the public.（我很開心可以同大家分享喜訊）」記者笑指他「好勁」，陳豪即鬼馬回應「Hehe」，揚言會加倍努力搵奶粉錢。之後他再於電話分享喜悅說：「自己一直希望五年生三個小朋友，𠵱家係快咗啲，比預期嚟早咗，但呢啲係上天賜畀我哋，多啲嚟密啲手囉！」問為何不讓老婆「副偈」唞唞時，他笑說：「趁佢後生快啲收工吖嘛，生完三個之後會畀佢副偈唞唞㗎啦。」今胎是否想生女？陳豪謂：「如果係女就固然好啦，但我同Aimee仔女都冇所謂。」

採訪：譚倩宜、魯吉
攝影：陳志嵐
from:http://hk.apple.nextmedia ... 151031/19354522

陳茵媺上月在大馬拍攝由杜汶澤執導的電影。

陳茵媺剛復工，上月到馬來西亞拍攝由杜汶澤執導兼演出的電影《開飯喇！》，原來當時已懷有身孕，阿澤昨日在電話中也表示不知情，他說：「咁生得？搞啲咁嘢呀，真係嚇死我！佢老公應該好強壯，陳豪真係唔畀人唞喎，哈哈哈，嫁着佢……真係……都好幸福嘅，我見佢都買好多嘢畀老婆。」

阿澤直言用到茵媺好盡，除通宵戲外，還要連拍兩晚街頭跑步，他說：「始終大台訓練出嚟都好刻苦，佢又好犀利，唔使兩個禮拜就減到好似選美嗰陣咁，着泳衣都冇嘢喎。」有冇後悔找茵媺拍高難度鏡頭？阿澤笑笑口說：「佢都冇話我聽，唔通拍親戲都估女主角懷孕咩？」會否送禮給將出世的BB？阿澤說：「要即刻去買藥材畀佢補身，我𠵱家好驚呀！」

採訪：嵐山
from:http://hk.apple.nextmedia ... 151031/19354542

陳豪陳茵媺一向甜蜜恩愛，兩人的小家庭亦快速擴張。已育有兩子的茵媺昨日更宣佈陀了第三胎，三年抱三，認真厲害兼勤力！

茵媺前日在圓方出席鑽飾活動報喜時，着嘅露肩長裙係來自英國品牌Forever Unique出品。胸口心形閃石華麗味濃，伴以鬆身雪紡長裙，而高腰位就輕輕透出大肚微圓嘅腰線，令已陀B三個半月嘅佢看起來更性感健康。

茵媺向來愛露肩裙，不少幸福時刻都會揀着露肩裙，由2013年結婚的Lanvin婚紗，到去年宣佈陀第二胎時的Matthew Williamson花卉晚裝，一律都係性感輕露香肩。

更多時尚新聞，即上：http://add.appledaily.com
from:http://hk.apple.nextmedia ... 151101/19355611

陳豪閒逛誠品消磨時間。讀者提供圖片
【爆相爆片】陳茵媺上周五宣佈懷有第三胎，跟陳豪三年抱三。不過，被讚有心有力的陳豪，前晚卻被目睹攰爆現身尖沙嘴，未知是否之前太勤力造人，還是太勤力開工搵銀所致。

讀者王先生昨透過本報「爆相爆片」報料，指前晚7時許在尖沙嘴誠品書店碰見陳豪，一身便服的他看來十分健碩，但樣子卻又攰又殘，尤其黑眼圈超勁猶如熊貓眼，未知陳豪是否太勤力開工搵奶粉錢！王先生指陳豪一個人在書店漫無目的四處閒逛，其間曾看過一些記事簿的活頁紙，但最後齋睇唔買。而陳豪逛了半小時後突然接獲電話，即急急腳離開，估計是約了人或等開工，所以趁空檔逛書店「攝時間」。

採訪：魯吉
from:http://hk.apple.nextmedia ... 151104/19358802

陳豪昨日透露會同老婆陳茵媺過二人世界。

陳豪有心有力，3年抱3，但為多賺奶粉錢要頻頻接工作，他昨日在尖沙嘴出席歐陸嘉年華記者會，一副慈父樣手持公仔亮相，他笑說：「以前攞2個，𠵱家要攞3個。我已經夢想成真，有3名成員，遲啲到太太（陳茵媺）追求夢想，我會努力搵錢，小朋友係我哋嘅指標。」

被公認為好男人好老公的陳豪揚言工作重要，但家庭亦不可忽略，要見證小孩成長時刻。他表示太太身體狀況良好，主力照顧兩子。雖然夫婦二人忙於照顧兩小孩，但陳豪亦不會錯過和太太過二人世界的機會，他大賣關子說：「去二人世界嘅地方，做二人世界嘅事，我並唔係一個浪漫嘅人，但會學習。」

採訪、攝影：卓寶花
from:http://hk.apple.nextmedia ... 151105/19359916