陳豪拎戰利品陳茵媺挺肚Shopping

1^# 大中小 young 發表於 2016-1-12 02:54 發短消息

現年44歲的陳豪和34歲的陳茵媺兩年前奉子成婚後繼續努力造人，豪嫂先後誕下2歲大仔陳梓燁（Aiden）和9個月大的二仔陳浩鋒（Nathan Lucas）後，現時又懷有5個月BB，三年抱三，繁殖力驚人。陀仔期間，幾乎停止所有幕前工作的陳茵媺，平時喜留在比華利山寓所安胎，鮮有蒲頭。不過前日難得老公仔陳豪放假，兩公婆便撇甩囝囝，到中環行孖咇拍拖。

前日下午約3時，本報記者發現陳豪夫婦到中環太子大廈shopping。現場所見，腹大便便、穿上紫色大褸的陳茵媺步履依然輕盈，鍾情Hermès的她，本身已有Birkin、Kelly和Garden Party等經典款式的手袋，但當日她卻揹上去年冬季才推出、價值約4萬的大象灰色Halzan Clemence Taurillon手袋，大肚婆繼續走在潮流尖端。

【老公開路】

離開商場時，抽著兩袋軟墊的陳豪一馬當先，至於殿後的陳茵媺亦快步跟實老公。

【潮媽現身】

陳茵媺孭著Hermès手袋出巡，不失潮媽風範。

【快速放好】

陳豪迅速將軟墊放入車尾箱，免得老婆久等。

為囝囝置軟墊

而兩公婆縱使拍拖，仍心繫家中兩個小朋友，就算shopping都主力到商場3樓的童裝部，最後買了兩大袋專給小朋友用的防跌軟墊。二人離去時，記者多次追問他們會否出席當晚胡杏兒的婚禮，但兩公婆只面露微笑，沒有回答，最後乘坐一早停泊在商場門外的七人車離去。

採訪、攝影：潘冠恩
from:http://hk.apple.nextmedia ... 151230/19431372

廷伸閱讀/相關主題推介:

相關主題:陳茵媺 shopping 陳豪

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-1-12 03:24 發短消息

陳豪囝囝狂收禮

【馬鞍山】即將榮升做第三任爸爸的陳豪與胡定欣及田蕊妮一齊倒數，他說：「小朋友7點幾就瞓，我臨出門口時都錫咗佢哋同講happy new year，近日好多朋友都送禮物畀囝囝，唔想令佢哋太過物質，做家長要節制吓。」
from:http://hk.apple.nextmedia ... 160102/19435790

TOP

3^# 大中小 young 發表於 2016-1-12 05:36 發短消息

【猴B報到】陳茵媺3年抱3

陳茵媺
李蘊去年6月與羅章冠註冊結婚，前日於海南補擺酒，李蘊默認陀猴B，雙喜臨門。娛圈今年亦有多位猴年BB，將會陸續與大家見面。

陳茵媺　陳豪

去年2月才誕下次子浩鋒，10月陳茵媺再宣佈懷有猴B，實行3年抱3。

黃伊汶　陳國坤

二人兩年前結婚，去年黃伊汶宣佈成功懷孕，預產期為4月中。

蔣麗莎　陳浩民

多仔公陳浩民去年宣佈太太蔣麗莎懷有第4胎，預產期為今年夏天。

徐熙媛（大S）　汪小菲

大S去年10月被爆再度懷孕，她自稱只懷孕1個多月，直斥爆料者破壞懷孕未夠3個月不張揚的習俗。

Jessica C.　安志杰

去年10月宣佈造人成功後，其後男方更於馬爾代夫向女方求婚，JC現於美國待產。

張梓琳　聶磊

張梓琳13年嫁給內地銀行高層聶磊，上月宣佈懷孕喜訊。
from:http://hk.apple.nextmedia ... 160105/19438798

TOP

4^# 大中小 young 發表於 2016-1-28 23:00 發短消息

陳豪拉鏈嘴快閃攞車

陳豪前日喺圓方最終冇去餐廳，仲好快咁去攞車走人。DV圖片

【圓方】陳豪老婆陳茵媺舊年宣佈再有喜，三年抱三，兩公婆生產力驚人，孭起頭家擔子唔輕，陳豪梗係要努力賺奶粉錢，幾忙都需要有個私人空間唞唞氣。

前日下晝3點幾，陳豪就單拖現身圓方，佢經商場搭扶手電梯上去餐廳嘅露天座位，雖然佢發現有記者尾隨，但仍全程保持微笑。唔知係咪想撇甩記者，佢結果冇去餐廳，改咗去停車場快閃攞車鬆人，其間問到陳豪點解冇帶老婆出嚟？同埋新年會唔會出埠旅行？佢全部都冇答，臉上只係掛住個「拉鏈嘴」笑容。

採訪、攝影：朱志聰
from:http://hk.apple.nextmedia ... 160124/19464518

TOP

5^# 大中小 young 發表於 2016-2-22 20:42 發短消息

陳茵媺挽闊太必備Hermes袋襯一身紅噹噹

正在為老公陳豪陀住第三胎陳茵媺(Aimee)，日前亦在微博po相和大家拜年，穿了一身紅噹噹的造型，仲話自己係「I am lady in red」。

Aimee身穿紅色連身裙，成功遮巨肚，加上手腳看起來仍然非常纖瘦，睇落完全唔似佗B6個月。經常都使用唔同款Hermes手袋的Aimee，日前就手拎Hermes酒紅色Lindy手袋，配襯同樣來自Hermes的帽子及scarf，差唔多由頭紅到落腳，腳踩一對Chanel平底鞋，一身造型行頭十足，睇落亦似足一個闊太。

更多時尚新聞，即上：http://add.appledaily.com
from:http://hk.apple.nextmedia ... 160211/19486850

TOP

6^# 大中小 young 發表於 2016-2-22 22:07 發短消息

陳豪龍友上身陀B茵媺帶二仔坐火車

【好開心】

日前陳茵媺坐在電動火車上比囝囝還要興奮，其間更被風吹甩一邊口罩繩。

【爆相爆片】向來注重家庭樂的陳豪和陳茵媺（Aimee），繼上月初被讀者目睹與大仔陳梓燁（Aiden）一齊去中環「AIA友邦歐陸嘉年華2015」遊玩後，日前又有讀者阮先生透過本報「爆相爆片」，指兩人再到嘉年華會場。阮先生指當日下午2時15分左右，見到陳豪和Aimee兩夫婦現身嘉年華，不過Aiden今次未有同行，抱在懷中的是在本周五（26日）才滿1歲的二仔陳浩鋒（Nathan）。

【盡情玩】

陳豪和陳茵媺當日戴上口罩，加上人流不多，所以可以盡情享受家庭樂。

【密密影】

龍友上身的陳豪，全程在欄杆外狂影太太和兒子。

注重家庭樂的陳豪和陳茵媺，上月初帶了大仔陳梓燁到嘉年華遊玩。資料圖片
茵媺童心未泯

片中所見，全程戴了口罩的Aimee雖然已懷孕近6個月，不過她仍親自落場與二仔坐電動小火車，相信是因為Nathan的年紀尚小，所以未懂得像哥哥Aiden一樣玩掟波波贏公仔，而Nathan的表現亦未見太興奮，相比之下，反而媽咪Aimee就童心未泯，表現猶如大細路般開心，其間更被風吹甩一邊口罩繩，但Aimee反應很快地捉緊並重新戴上。

爹哋陳豪則充當攝影師，負責為太太和囝囝影相，見到他龍友上身拿着相機在電動小火車欄杆外狂影。阮先生說：「可能嗰日人流唔係太多，加上佢哋兩公婆又戴晒口罩，認得佢哋嘅人唔多，所以一個玩得開心，一個影得好開心，不過玩完電動小火車之後，就唔知佢哋去咗邊度玩。」

採訪：唐琛悠
from:http://hk.apple.nextmedia ... 160221/19499540

TOP