陳豪第三胎已改定英文名

陳豪昨日與童星鄭耀軒出席活動，齊齊搵銀。

陳豪與太太陳茵媺（Aimee）三年抱三，他們的第三胎預計於5月出世，陳豪就快再做第三任老竇，近日密密工作搵奶粉錢，昨日他現身銅鑼灣皇室堡親子活動，與童星鄭耀軒大砌積木。陳豪在台上訪問時透露，在家會與兩歲多的大仔砌積木，他說：「係最重要一part節目。」提到他兒時夢想想做建築師：「自己畫畫好叻，可以用一至兩個禮拜畫一幅畫。」問到他有否陪囝囝畫畫，他笑言：「Aimee叻啲，佢係設計師，佢藝術水平好高，佢教仔畫，大仔鍾意畫畫，遺傳咗我哋兩個，佢又鍾意睇書，very good，琴棋書畫中咗兩樣。」

陳豪與陳茵媺的大仔陳梓燁已有兩歲三個月大，早前齊齊去嘉年華親子樂。資料圖片

已是兩子之父的陳豪，與活動的小朋友相處駕輕就熟。

「三個夠數」

陳豪透露拍劇至5月中，問到有否請定假陪產，他表示：「有講定預產期，但唔知佢（BB）幾時嚟。」對於有指今胎都會生仔，他即擺出拉鏈嘴動作：「唔好咁心急，好快，英文名都改咗，中文名未改。」記者再問BB會否著哥哥舊衫？他即笑言：「唔好成日裝我。」再問他會否生完呢胎再追女，他表示：「無論呢胎仔定女，都會好錫，三個夠數。」一向指女兒是前世情人，生女會否更覺圓滿，他則轉移視線：「唔話你聽，𠵱家細佬同哥哥糖黐豆，大哥已經讀學前班，細佬都面試咗，會讀同一間。」

採訪：黃曉妍
攝影：陳慧安
from:http://hk.apple.nextmedia ... 160314/19528073

陳豪表示在太太分娩時，一定會放幾日假陪伴她。

陳茵媺為陳豪懷有第三胎，大仔Aiden兩歲，二子Nathan1歲，第三個孩子亦將於下月出世，陳家上下都準備就緒，不過陳豪仍要開工搵奶粉錢，他昨日出席在將軍澳新劇開鏡拜神時，明顯瘦了一圈，還以為是幫手湊兩個寶貝仔太辛苦而令他消瘦，原來他是控制飲食減肥成功。太太預產期將至，他說：「雖然有經驗，但難免有少少緊張。長假期就冇得放，喺生B嗰幾日一定要放。」

另外，田蕊妮母親早前離世，難免傷心悲痛，最近重新投入工作，她說：「投入工作比較好，不會想太多，自己也是專業演員，不會帶情緒到現場，幸好是喜劇，希望大家看到也開心。」

撰文：非非
from:http://hk.apple.nextmedia ... 160409/19563652