陳豪與邵美琪前晚為新劇《完美叛侶》拍攝街頭追逐戲，飾演夫妻的兩人劇中關係惡劣，「愛妻號」陳豪未擔心現實中會與太太陳茵媺感情轉淡，他說：「除咗湊小朋友，都要識過二人世界，鞏固夫妻關係。」
陳豪與邵美琪在新劇中飾演夫婦，他自爆如何維繫夫妻關係。
無綫藝員陳豪、邵美琪、陳榮峻等前晚在九龍塘為無綫新劇《完美叛侶》拍攝街頭追逐戲份，講述邵美琪疑遭追殺，被笠麻包袋狂毆再遇上車禍被撞飛。扮演律師的陳豪由窮變有錢，為太太提供優質生活，豈料雙方感情變淡太太「紅杏出牆」，關係轉劣，他說：「呢套戲講好多婚姻問題，幾平淡嘅嘢，不過加插咗好多動感場面、驚嚇、唔同爭拗，為部劇加添觀感上嘅刺激。」
學習維繫關係
現實中，陳豪與老婆陳茵媺如膠似漆，問到有否擔心過夫妻感情變淡？他說唔驚：「夫妻相處之道，要好好學習點維持關係，除咗湊小朋友外，仲要抽時間同老婆維繫，過二人世界，做番拍拖嘢，鞏固兩夫妻關係，同埋時時要諒解、耐性、溝通，係最需要做嘅嘢。」
唔疏懶keep靚樣
陳豪承認拍劇時間長有點攰，亦會盡量幫太太手湊小朋友，另方面他不想太疏懶，開始好好保養自己：「我好佩服三哥（苗僑偉），要向佢學習，問佢攞貼士點保養得咁青春。自己太懶，儀容上冇三哥keep得咁好，太太都成日叫我敷mask，係我懶啫。」新劇煞科戲後會休息到二月才再開新劇，會考慮帶囝囝去旅行，但笑謂首要是賺外快！
陳茵媺
邵美琪拍攝被陳榮峻在街頭追打的戲份，她直認走到氣咳。
陳豪亦要拍攝不少動感場面。
邵美琪透露戲中不多動作場面，但有些驚險情節出現得很有趣，因她甚少運動笑言已叫導演盡量減少跑戲，她怕頂唔順。
文：影視組
From:
http://orientaldaily.on.c ... /00282_011.html
