袁彌明衰收尾正所謂「不是冤家不聚頭」。袁彌明近排向葉翠翠不停開火狂插，唔妥到出面。但上周六（14日）就齊齊過大海出席星際酒店嘅宣傳活動。一笑泯恩仇？no 啦，錢作怪咋！
當日響鏡頭前，兩人扮晒好姊妹，葉翠翠就話同袁彌明成日響公司見面。袁彌明就更加答得妙：「我哋成日響髮型屋撞到，平時又會通電話。大家都係醒目女，知道發生咩事！」兩個女仔，講就講得好有智慧，做就非常實際。活動期間除咗不時不自覺咁用背脊「得」住對方外，走嗰陣上保母車，袁彌明就連戲都懶得繼續做，拖住另一嘉賓陳自瑤，迫咗葉翠翠去後排，佢自己就霸咗個車門口靚位坐，搶晒葉翠翠鏡。
袁彌明：你個胸好假！（設計對白）
葉翠翠：你份人仲假啦！（設計對白）
乜嘢叫真情流露？睇佢兩個一時忘形互相用背脊「得」住對方咪知囉。
袁彌明醒目，俾葉翠翠上車先，迫住坐後排。佢自己就霸咗門口影相靚位。
呢場「好姊妹大龍鳳」衰收尾唔緊要，至怕玩到咁盡，成件事終於都衰收尾咋。
