實況娛樂節目《跟住矛盾去旅行》成為ViuTV開台收視之冠，當然要添食第二輯。昨日凌晨播出《矛盾》番外篇，尾聲訪問了幾位「疑似嘉賓」，由於要保持神秘，遮樣之餘聲音還經過特別處理，但憑外形舉止隱約認得出幾位嘉賓，包括杜汶澤、蕭若元、陶傑、MC仁、袁彌明及侯志強等。
踩翠翠唔入流
片中嘉賓各自講出希望跟邊位矛盾拍檔去旅行，疑似杜汶澤承認與好多行內人有「徹底仇恨」，提起王X、容X兒和扮廣末涼子的李慧X都耍手，他說：「我以前見佢叫X哥，𠵱家哥乜鬼，直接叫全名已經好尊重。」疑似MC仁就寸爆說：「啲人唔知我做音樂，我會搵一啲人哋以為佢係做緊音樂，例如林X、宇宙X，完全只有蠢人嘅市場，只能夠呃啲唔識嘢嘅人。」有人建議袁彌明跟曾被她批評釣金龜的葉X翠，袁直指對方不入流，句句有骨。
阿澤表示要拍戲，但希望可以抽空參與，他昨搞笑說：「我覺得呢行搵同我有矛盾嘅人就好容易，仇家都好多嘅，搵朋友去旅行就難啲啫。」他稱最愛曾鈺成和長毛這個組合：「最有價值係個矛盾當中搵到共識，如果睇兩個人互相廝殺，大家可以睇番《G-1》。」袁彌明則說：「我propose幾個都未覆，可能拒絕咗。」她更指想找政協藝人去旅行。
疑似阿澤被問能否與王X去旅行時，直指與對方已不是朋友。
袁彌明（左）早年曾批評葉翠翠釣金龜，二人屢傳不和。資料圖片
疑似袁彌明在預告中勁踩葉X翠不入流，拒絕一起去旅行。
政商、名人界都有代表，疑似嘉賓本土民主前線發言人梁天琦，被工作人員問他揀劉X卿還是葉X，他指會揀葉X，但他的矛盾拍檔似乎是同樣本土自居的侯志強。不少網民更希望蕭若元和陶傑可以一齊去旅行，據悉ViuTV曾邀兩人遊德國，但陶傑昨日在電話中否認：「冇時間。」
另外，緊接《矛盾》播出的《慳D啦Honey》將於今晚首播，講述四對情侶經過連場激鬥爭奪10萬元獎金。
《慳D啦Honey》參賽者Edwin口衰，嘲女友AAA Cup似未發育。
《慳D啦》灑鹽花
其中一集情侶們各自為另一半分別挑選內衣和寫真集，對話中見盡賤男和港女真貌，其中參賽者Edwin笑自己女朋友Crushy飛機場身材，另一參賽者健健坦認自己喜歡「大波」和「日本妹」。而女參加者亦自爆有暗check男友將鹹片放在電腦hard disk內，監製黃慧君否認灑鹽花：「我哋宣傳片加咗AV同鹹濕方法去宣傳，但當中只有一、兩集牽涉性，但其實我哋想透過遊戲去考驗情侶。」
採訪：嵐山
from:
http://hk.apple.nextmedia ... 160530/19632832
