袁彌明四眼男護花

【銅鑼灣】前港姐袁彌明（Erica）之前疑遭癡男騷擾單案仲未審完，不過冇影響佢心情，前晚9點半Erica喺銅鑼灣出現，身邊仲有個四眼護花男。兩人着住灰色情侶裝，睇嚟啱啱撐完枱腳，四眼男見到記者仲即刻彈開，問係咪男友？Erica話：「唔係，朋友嚟啫，可唔可以唔好出我朋友個樣呀？」最後四眼男都好有風度咁等埋Erica先至走。



From:http://hk.apple.nextmedia ... 130118/18137832

港姐出身的袁彌明和沈卓盈前晚不約而同被撞破約會，兩女的男伴均「唔見得光」。袁彌明與男伴嚇到各自彈開，急急澄清只是朋友關係，更央求記者不要刊登照片。沈卓盈的有米男友Ray更驚青，原本打算來接伊人的他一見記者即踩油走人！


袁彌明約男伴撐枱腳被撞破，馬上各自彈開

前港姐袁彌明最近捲入遭男義工求愛不遂出言恐嚇案，但無損其心情繼續約會異性。前晚9時半，穿灰色毛毛褸的袁彌明與一名高大四眼男於銅鑼灣撐完枱腳，並肩步出遍布食肆的大廈，兩人甫見記者拍照即被嚇得各自彈開。見男伴一臉慌失失，袁彌明則此地無銀地主動向記者解釋對方只是朋友，更央求不要刊登該男友人照片，兩人隨後結伴離開。向來戀事多多的袁彌明，兩年前與拍拖3年的金融才俊男友分手，即火速有新戀情，早前更一度傳婚訊。

徐淑敏全程頭耷耷
袁彌明和男伴雞咁腳走後，戀上楊秀惠有米舊愛Ray（麥偉汶）的沈卓盈亦由同一大廈步出，問她是否和男友食飯時，她邊行邊笑地說：「同朋友啫。」行至附近街頭，見Ray駕駛購入半年多、價值逾120萬的Audi跑車在等候，當他見女友被傳媒拍攝中，即二話不說踩油走人，被撇下的沈卓盈一臉尷尬，只好急步離開。


沈卓盈男友踩油避記者，令她一臉尷尬

徐淑敏由保鏢陪同下離開，全程低頭避鏡

未幾，剛和沈卓盈食完飯的好姊妹徐淑敏現身，由保鏢陪同下離開。全程低頭避鏡的徐淑敏，對所有提問均充耳不聞，登上七人車後繼續頭耷耷撳電話。

From:http://orientaldaily.on.cc/cnt/e ...0118/00282_011.html