屬於超級球迷的立法會議員長毛梁國雄（圖），當然不會錯過世界盃各場賽事，雖然經常睇波，但他不擔心會體重激增，原來秘訣是只飲不食。他說，因為不愛零食，所以睇波期間甚少吃薯片及花生等，以往最多只會飲啤酒，但因曾踢波受傷，受腳患影響，他連飲啤酒習慣也戒掉，睇波時只會間中嘆杯紅酒。
家中睇波少吃零食
不少球迷經常到酒吧、餐廳或一邊打邊爐，一邊與朋友「吹水」睇波，但長毛說，自己反而喜歡在家中睇波，感覺較自在，也很少吃零食，如睇波當晚沒有吃飯，就會吃一個杯麵當作消夜，但也避免太夜進食。
「唔慣夜瞓嘅人，要通宵捱眼瞓睇世界盃，通常都會食嘢，吸收嚇能量，另外就有啲人因為本身為食，一坐低就會食唔停」。他建議要避免深夜進食，減輕腸胃的負擔，如必須進食，可吃適量黑朱古力，為身體補充能量和糖份，兼「頂住眼瞓」。除飲紅酒外，無花果乾也是他近期愛吃的小食，有滋潤喉嚨功效，強烈推介給準備睇波大作戰的球迷們。
《蘋果》記者
from:
http://hk.apple.nextmedia ... 140604/18744258
