前日37歲生日的何韻詩,昨日在將軍澳舉行簽唱會,獲契仔、契女上台送蛋糕,媽咪菇母亦有到場,兩母女在台上親熱擁抱。阿詩戀人鄧九雲曾聲言會送生日卡賀壽,阿詩愕然反問:「乜嘢卡呀?冇喎!佢送咗好實用嘅砧板畀我,邊有時間帶佢去玩,要練歌。」問到有否二人世界過生日?阿詩說:「本來冇諗慶祝,不過朋友叫食飯唔通唔食咩!」
鄧九雲被戀人何韻詩爆同居。
阿詩即將赴台北開演唱會,鄧九雲會否相陪?阿詩甜爆說:「我點知呀!你問佢啦!」不過她就大方承認,身為台灣人的鄧九雲留港期間是寄居她家:「唔使問啦,唔通瞓街咩?」問她有否結婚打算?阿詩坦言:「都未結得,香港都冇得註冊,呢個問題等有得結先問啦!」
from:
http://hk.apple.nextmedia ... 140512/18716898