何韻詩自與黃耀明為同志平權及反歧視發聲後，越走越前，連她的時尚路向也有大變化。日前阿詩接受《台灣美麗佳人》時尚雜誌採訪，嘗試了不少充滿女人味及露半球性感造型的多元化改變，如低胸及露背等的新衣，她也笑言：「我唔係淨係著西裝長褲先好睇，有新嘅改變何嘗唔係一件好事，改變唔係背叛自己，只係認識自己，睇到優點同弱點，再搵到新力量。」
阿詩透露思想上亦有新啟發，在台灣遇了兩位氣功師傅：「佢哋改變我思想同睇世界嘅角度，以前只識硬碰，學咗氣功才知呢啲唔係力量，係死勁，善待身體同心靈先最重要。呢兩年有好大轉變同掙扎，對於人性同信念都有打擊，一個人唔會永遠順利，有衝擊先會反省。」
from:
http://hk.apple.nextmedia.com/entertainment/art/20140704/18787300
