何韻詩前晚起一連三日在旺角麥花臣球場開四場演唱會，今次舞台佈置猶如露營營地，有草有樹還有營火，氣氛相當好，但營火在演唱會中段燒得太旺盛，最終要工作人員用水淋熄，阿詩笑言：「我本來諗住燒雞翼嘅，𠵱家冇得燒㖭，聽日啦。」
自去年參加雨傘運動，阿詩工作量減少七至八成，前晚她在演唱會尾聲時表示：「我覺得呢個演唱會係中途站，揭開新嘅一章，用野外做主題，因為覺得同我好有關連，我哋生活喺呢個地方要好好照顧自己，有時行山坡好想放棄，但行完就知道可以返屋企，有屋企人陪住，演唱會出乎意料咁開心同興奮，做完係想去流浪，帶個更好嘅自己返嚟一齊行。」
演唱會舞台設計似露營營地，觀眾圍著台邊坐，現場還有營火。
阿詩透露正計劃一個人去印度及北歐流浪。
除了父母捧場，阿詩認密友鄧九雲都在場內。
「唞嚇得唔得啫」
騷後受訪時阿詩被問流浪之旅是否屬實？她說：「走嚇啫！想自己一個人去嚇流浪，孭住背囊，去啲未去過嘅地方，好似印度同北歐。」有指一個人去印度很危險，阿詩表示：「諗嚇辦法囉，係時候諗嚇呢啲，再老啲做唔到，去幾個月，唔係唔返嚟。」阿詩又指，她在雨傘運動後想做很多事，想充電再input。她笑說：「唞嚇得唔得啫！呢幾年走向靈性方面，睇嘢角度唔同咗，幾日前先講笑話可能會出家，看破紅塵，香港人壓迫得太緊要，要做啲嘢去紓緩番。」
前晚演唱會，傳媒雖未捕獲阿詩密友鄧九雲，但阿詩指對方有到場：「有喺度。」問鄧九雲會否睇足四場？阿詩則說：「唔知喎。」記者笑指她去流浪，兩人便冇得見，阿詩笑言：「唔關事㗎，冇乜嘢好見啦！」
採訪：盧妹
攝影：仇志德
from:
http://hk.apple.nextmedia ... 151227/19427980
