何韻詩早前與高皓正去愛爾蘭拍ViuTV真人騷《跟住矛盾去旅行》，之後她孭背囊獨自去北歐流浪一個月，怎料在芬蘭遇到鹹濕屋主還差點被強姦！有傳阿詩半裸雪地逃亡，她怕傳聞越傳越離譜，故昨日凌晨自揭真相，形容當時心情：「真係好驚！」
何韻詩多次被男屋主要求抱抱。設計圖片
何韻詩驚見男屋主性興奮，嚇到花容失色，要午夜逃亡。設計圖片
高皓正事後亦有慰問阿詩，並笑言：「佢唔知自己咁吸引。」
赤裸被求抱抱
阿詩表示透過Airbnb訂了一間一家三口的家的房間，入屋後女主人狀態超迷，屋內有許多啤酒罐和煙頭，她說：「又話好開朗嘅一家三口？」原本隔壁房間還有一家人同住，但其後搬走，阿詩的恐怖經歷便開始。
其中一晚男戶主飲到醉醺醺要求與阿詩hug（擁抱），阿詩不以為然：「覺得可能『芬蘭人都係咁』。」之後到地牢焗桑拿，阿詩焗到一半要求男戶主加柴火，對方上身冇著衫僅穿leggings，又突然要求hug。阿詩心感不安，準備快快沖身後返房，但對方突然拉開浴簾入去，阿詩立即披上毛巾，而對方下身亦披住毛巾，阿詩謂：「重點係，佢個下體係明顯地勃起了！……個變態佬仲要故意跨過我，問要唔要一齊？此刻嘅我，嚇到個心狂跳。」
冰上極速逃亡
阿詩極速返房後，還聽到「變態佬」與老婆「XYZ」的聲音，最後找藉口離開：「我話想去睇極光，九秒九執曬包袱，撇！勉強在冰上快步離開，一路行就一路回頭望，每次有車經過都驚一驚，半個鐘後，終於走到去市中心臨時入住一間酒店。嗰三十分鐘冰上逃亡係我人生最可怕嘅三十分鐘！」
高皓正昨日在電話提到阿詩的可怕經歷時說：「我哋成班工作人員有個WhatsApp group，佢冇著，得塊布，叫天不應叫地不聞，所以佢先咁驚。」問他有否安慰阿詩？他說：「有，佢真係唔知自己原來咁attractive（吸引），但最後平安絲毫無損，係一件開心事。」而阿詩的《矛盾》將於下月9及10日晚上10時播出。
採訪：嵐山
from:
http://hk.apple.nextmedia ... 160429/19590431
