何韻詩因前年力撐佔中而工作量大減，更久未以歌手身份出席活動。資料圖片
何韻詩前年力撐佔中，因為政治取向太敏感而被內地全面封殺，工作量大減。難得最近「發市」成為一個漱口水代言人，同時又獲護膚品牌Lancome邀請於本月19日下午在上環普慶坊活動上獻唱，阿詩上週四即在facebook貼出宣傳單張，並興奮留言：「做咗一陣失業人士、飾演完旅人、OL、村菇、廢鐵嘅多重角色之後，今次終於有人搵我回歸我最原始嘅角色，歌∼∼∼女∼∼∼！！！！」豈料這個留言卻引發一場「關公災難」。
阿詩近年備受強國人抨擊，甚至到該品牌微博瘋狂留言，表示要作出抵制行動。
王菀之抱不平
該品牌為平息風波，前晚和昨日分別在微博及fb發出聲明：「中國香港地區藝人何韻詩不是Lancome蘭蔻品牌代言人，由此對消費者造成的誤解我們深表歉意。」而昨日fb版本還加長內容：「活動邀請藝人何韻詩小姐的原意為純音樂上分享，並無牽涉任何代言人合作關係。」
Lancome的fb貼出聲明後，香港網友紛紛力撐阿詩：「請HOCC（何韻詩）有乜問題？產品得唔得我諗最重要嘅唔係代言人。」還有網友不屑地說：「咁你就咪鬼請啦，一個國際brand做到你咁小家。」但強國網友卻唱反調：「事實上你們請她（何韻詩）做推廣是無可爭議的事實，想以一個不是代言人來矇混。」昨晚直至截稿前，阿詩潛水未有回應，王菀之則在fb留言為阿詩抱不平：「Lancome Bye Bye！講完。」
撰文：劉敏
Lancome發聲明指何韻詩不是品牌代言人。
何韻詩獲邀本月19日在上環活動上獻唱，豈料惹來是非。
何韻詩上月生日與達賴喇嘛見面。資料圖片
From:
http://hk.apple.nextmedia ... 160606/19642526
