政府一再拒絕透露香港電視未獲發免費牌照真相，日前立法會議員提出行使特權法亦被否決，其中原擬投贊成票的謝偉俊臨時轉投棄權票，行為令人不屑。艾威昨在微博上忍不住寫道：「午夜夢迴，令我忽然醒起確曾做了一件該後悔的事，使人生蒙上污點，若干年前，我曾和謝偉俊握了一次手。」艾威昨在電話中透露，應是20年前澳門某活動前與謝偉俊碰面，曾禮貌式握手，他說：「佢係咁提問，覺得以為呃到人，睇到個形勢投票時唔舉手又唔離席，都知道阻咗件事，佢啲戲呃唔到人㗎！呢啲偽君子令人髮指呀！七個字，唔好以為呃到人！」
曾到政總支持港視員工的謝偉俊（左），臨時轉軚惹來不滿。
林嘉華睇清真面目
同樣有替港視拍劇的廖啟智昨在香港仔出席活動，被問到謝偉俊的轉軚是否很奇妙？智叔說：「政治我唔識，原本好簡單，𠵱家變得複雜，冇心情理會。」他又大讚王維基出席立法會時有備而來：「佢引用梁振英嘅著作幾好，希望特首寫完書間中揭吓都好。」至於《東張西望》兩日收二萬五千宗投訴，智叔笑言大台有個紀錄都屬好事。同場的林嘉華被問到有沒有嬲謝偉俊時，則說：「唔使嬲，嬲嚟做乜？咁咪睇到各議員們真正面口，就係講一套做一套。王生攞出書講嘅說話，就係市民想得嘅答案，正正係特首本書所寫嘅，好似讖文，好服佢！」
艾威對謝偉俊轉軚感受甚深，昨在微博留言指曾跟他握手一次，已覺是人生污點（右圖）。
張敬軒、陳志雲和鄭欣宜等昨在西貢出席商台活動，軒仔表示王維基由第一日的回應已顯得很有智慧：「有人會覺得歌手要遠離政治，但我唔會，因為政治同民生畫咗等號，自己唔為自己爭取，最後自己要負上責任。」軒仔指不是慫恿人上街，只是在大是大非時應表達自己意見。曾在通訊局前身廣管局做過秘書的陳志雲，對行會無視通訊局發三個免費牌照的建議，他坦言：「行會當然可以唔接納報告，但我做時就唔記得有邊次唔被接納，𠵱家係冇一個理由令人信服，我覺得通訊局今次相當有責任，真係開誠布公，值得尊敬。」
採訪、攝影：胡比、楊潔雯
林嘉華坦言沒嬲謝偉俊，反正已看清議員們的真面目。
廖啟智讚王維基在立法會有備而來，取笑梁振英應多看自己的著作。
張敬軒（右）讚王維基有智慧，陳志雲亦撐通訊局做法值得尊敬。
from:
http://hk.apple.nextmedia ... 131110/18501024
