婚姻有名無實白韻琹鬧謝偉俊冇良心

現年69歲的白韻琹和54歲的立法會議員謝偉俊（Paul）於97年在拉斯維加斯秘婚，惟近日盛傳謝白婚姻現暗湧，白姐姐昨在facebook撰文：「殘酷無情的你，只顧自己的快樂和享受，你有當我是有血有肉有感覺的人嗎？我（你）忘（了）我哋為你出錢出力出時間全心全力扶持你創業……現在我連寫字樓都進不去，你們的福利及快樂我都沒有份，連零用錢都沒有……你當我垃圾，你太沒良心……我痛恨自己相信一個狼心狗肺……」

白姐姐和謝偉俊結婚16年經歷不少風浪，最近有傳兩人婚姻亮紅燈。

意外發生後，白姐姐在fb似有感而發留言：「人傷不及心傷」。

「只當佢同屋主」

有網友留言：「好明顯係ah paul的名啦！」白姐姐於數小時後刪去文章，貼文解釋：「謝謝各位擔心，數小時前的文章內容與本人無關。」惟上月白姐姐搭巴士時發生意外入院，她亦在fb貼文：「人傷不及心傷」，似乎婚變傳聞不是空穴來風，記者致電白姐姐了解，她否認文章是針對Paul：「我係幫區內一個女士寫。」

白姐姐上月搭巴士時發生意外，要坐白車入院接受治療。

對於有傳兩人婚姻亮紅燈，白姐姐將問題推給Paul說：「問佢囉，通常男人鍾意播種，成個月見佢幾個鐘，不過佢唔敢，想從政點敢，魚與熊掌點可兼得。」問是否相信Paul不會偷食？白姐姐暗寸說：「唔係信佢唔會偷食，係相信佢唔夠膽。」至於兩人的婚姻問題，白姐姐說：「呢個你問佢，我只不過當佢同屋主，註咗冊唔表示有乜，20幾年都保持朋友關係。」

追問離婚傳聞，白姐姐說：「我處於被動地位，佢想點都冇所謂，我只想佢做人要公平啲，攞住良心做人，如果佢當我夫妻必須尊重老婆。」問Paul有甚麼地方不尊重她？白姐姐冷笑說：「你有幾多鐘頭畀我講？我當佢良人，但良人未必當老婆係妻子。」問到兩人婚姻關係，她說：「法律上係，但肉體同精神上問佢。」而Paul至截稿前未有回覆。
from:http://hk.apple.nextmedia ... 131105/18493365

69歲的白韻琹昨午受訪時，以一身Miffy外套亮相，大方承認曾提出離婚。

現年69歲的白韻琹和54歲的立法會議員謝偉俊（Paul）由拍拖至結婚，相對20多年，年紀雖相差大截，但依然是外間人眼中一對璧人，最近有傳婚變，昨晚白姐姐錄影節目時坦言20多年沒行房，現在沒人錫她、攬她、咀她。另外，白姐姐昨日接受本報專訪時坦言她曾多次提出離婚，但要待老公執行。而Paul前晚被問到兩夫婦可有偈傾，他直言：「今日冇傾偈。」難道兩人婚姻已走到盡頭？

白韻琹和老公謝偉俊傳出婚變，鬧得全城熱烘烘，昨晚白韻琹在柴灣接受梁思浩《娛樂審死官》訪問時，也直接被問到離婚一事，白姐姐說：「𠵱家同佢唔算夫妻，有名無實，起碼二十幾年冇行房啦！冇人錫我、攬我、咀我！」白姐姐謂當然同Paul曾有性，但不願多談：「一次都冇又點會同佢結婚，我唔係白癡！」她又透露Paul盛怒時會打她，但她也有還手，可算是耍花槍。問到她20多個物業是屬誰人名下，白姐姐坦言：「唔知，律師樓處理，我冇問。」

此外，白韻琹昨午在其銅鑼灣區議員辦事處接受訪問，談到近日有傳她與謝偉俊婚變，白姐姐說：「其實我都想，廿幾年前嘅話，𠵱家冇乜必要，你要問阿Paul，或者佢好想都唔定。」不開心時會否提離婚？她說：「會！」最近提出過？她說：「不如你問我提出幾多次，我提嘅次數唔多，但只提冇用，要行動，但行動上我做唔到。」再問最近提過離婚嗎？白姐姐想了想道：「唔答，你問話事人（指阿Paul），我話唔到事，因我唔係律師。」對於阿Paul否認婚變，並強調沒第三者，白姐姐聞言說：「咁就最好啦！」

白韻琹昨晚被梁思浩等主持逼供，承認自己跟謝偉俊廿多年沒行房。

「佢做老公唔及格」

談到現時關係，白姐姐直認與謝偉俊仍同住，法律上仍是夫妻，但有名無實，白姐姐強調：「要解決嘅問題唔喺我度，每個女仔鍾意人錫同愛，關心佢嘅面子同身體需要，我係正常女人，要tender love and care，無論朋友、丈夫都要相愛照顧，夫妻間最基本要求達得到至算係平淡而美滿關係。」白姐姐曾在facebook貼過謝偉俊名下買豪宅認購樓意願登記收據，疑似暗指他偷偷買樓而被指因財失義，白姐姐對此稱買樓是她本人，但二人金錢上的問題很複雜，未能三言兩語可解答得到。

昔日擅長聽人盡訴心中情，刻下自己遇到問題，白姐姐如何解決？她笑言：「我好少訴出嚟，無語問蒼天，或者提出我意見囉，𠵱家唔提，提出都冇用。」二人可有嗌交？白姐姐說：「我俾人鬧嘅箒，喺任何世界水準下，佢做老公都唔及格，畀時間佢改？我畀咗廿幾年時間喇！係我錯，有乜理由畀廿幾年佢！」

是否處於冷戰期？白姐姐坦言：「我邊有資格同佢冷戰，只有俾佢鬧嘅時候。我完全唔花心，唔係話佢有冇女友就係花心，做人公唔公平，我可以話我真心、誠心誠意奉獻對人，但人點對我？我只望有公平回報。一棵樹種廿幾年要掹開係咪好難？尤其我呢棵樹已經爛，仲有乜展望吖？」

採訪：楊潔雯、王連連
攝影：陳志嵐、黃文偉

年齡雖相差十五載，但白韻琹和謝偉俊不時在人前表現恩愛。

白韻琹與謝偉俊言行均大膽，志趣相投。

《忽然1周》圖片

00年謝偉俊以出位超人裝為參選立法會補選拉票，白姐姐落力撐場。
from:http://hk.apple.nextmedia ... 131106/18494930

謝偉俊前晚對婚姻問題支吾以對，只坦言與白韻琹「今日冇傾偈」。

謝偉俊前晚到灣仔會展出席活動，對於有傳離婚，他說：「佢呢方面教人好叻，我哋仍然一齊，我都講過佢係伴侶同配偶，暫時冇變。」他重申沒拈花惹草沒第三者：「你哋打開電視都見我坐喺度，邊有時間有呢啲花花。」談到感情狀況，Paul支吾以對：「OK嘅，佢近來有少少唔開心，要處理吓。我最近比較忙，好多壓力，政局有比較多關鍵事情發生咗。」他否認與錢銀有關。

Paul透露仍與白姐姐同住，問可有傾偈？他說：「今日冇傾偈。」幾耐沒傾？他想了想笑說：「無聲勝有聲，我要處理啲事情。」對於被指買豪宅因財失義，他說：「一定唔係婚變，希望唔係。冇乜特別嘢，係佢抽中，我幫吓手，抽中兩個單位都係佢名。」會否覺得白姐姐不夠體諒自己？Paul說：「佢唔開心就大晒啦。」

採訪：楊潔雯、王連連
攝影：陳志嵐、黃文偉
from:http://hk.apple.nextmedia ... 131106/18494932

白姐姐自爆不可以坐Paul的私家車，要搭巴士出入好傷痛。

白韻琹和謝偉俊（Paul）的16年婚姻出現危機，全城哄動，前日白姐姐控訴Paul過去20多年沒跟她行房，甚至曾動手打她，令她多次提出離婚，雙方關係陷於冷戰，昨日白姐姐接受電話訪問，被問到Paul有否𠱁她箍煲？白姐姐暗寸說：「冇呀，佢邊度得閒，佢要搞特權法。」

白姐姐和謝偉俊的恩愛畫面只成追憶，現已陷入冷戰局面。

「大家都要冷靜」

夫妻感情出現裂痕，問到白姐姐現在心情如何？她大呻：「我周身痛，食太多藥瞓唔到覺，因為嗰次巴士受傷，我坐巴士嘅原因都好傷痛。」為何不坐Paul的私家車要搭巴士？白姐姐說：「呢個問題好正，你問Paul，佢畀我坐啲車，但我同司機太好，司機會受傷害，我唔想司機受傷害。」

林燕妮和白姐姐有宿怨，懶理白姐姐的婚姻名存實亡。

此外，早年曾為黃霑與白韻琹掀罵戰的林燕妮，前晚到金鐘出席電影《老爆伴郎團》首映，對於白姐姐的婚姻現危機，林燕妮說：「我同佢唔熟，對佢哋嘅事冇興趣，唔知點解會問我，乜都唔知。」白姐姐指其婚姻有名無實？林燕妮說：「我冇嘢講，亦冇興趣，人哋嘅嘢我點會知呢？」

採訪、攝影：林妃、藍文浩
from:http://hk.apple.nextmedia ... 131107/18496604