艾威、雨僑及組合FFx昨日在上環出席婚紗騷，艾威表示暫時都多活動出席，但未知可維持多久，手頭上各有兩齣電影及舞台劇：「未開拍都有變數，好驚，做人冇晒信心。」蕭定一曾謂會幫港視藝人，會否找他投資？他說：「藝人好被動，睇吓阿一有冇興趣。」但他表示不會返無綫。
雨僑笑言今個月已穿了十多次婚紗，將來結婚想穿牛仔褲、平底鞋，也不介意穿比堅尼出嫁。近日迷上金秀賢及金宇彬的她自嘲是花癡，笑謂如果埋到金秀賢身，不排除下月去機場接機。
翠如撇花心男孖浩然續前緣
智能電話已變成現代人生活不可缺少的一部分，很多年輕人更變成「低頭一族」！黃浩然、黃翠如、洪永城等主演的無綫新劇《愛我請留言》，就是講述時下年輕人多以短訊代替見面來談情說愛，當然下場各有不同。
洪永城與黃翠如拍拖，卻與另一個女仔有曖昧。
由黃浩然、黃翠如、關禮傑、王浩信、洪永城、姚子羚等主演的無綫新劇《愛我請留言》，將在下周一（31日）播出，劇中角色將現實的感情關係、態度及事件呈現出來，探討本應是助人溝通得更好的科技，實際上是令人與人之間的關係變得更親密？還是變得愈來愈薄弱疏離？
「上線」起疑心
黃翠如飾演的茹初見和洪永城飾演的張日熙，在劇中就是經常以短訊來溝通及維繫感情關係的一對，但張日熙卻同時跟另一個女仔互傳曖昧訊息，這些細節正好反映現今不少戀愛男女生活的真實面，每人都不斷望着電話生活，會質疑對方正在「上線」但又不是給自己傳短訊，漸漸會懷疑對方，關係會由相愛變成猜疑，到最後關係決裂。而黃浩然飾演玩玻璃藝術的樂天送，與姚子羚飾演的蔡妍火速相戀結婚，可惜姚子羚因為女兒而患上抑鬱，最後導致二人離婚。而演黃翠如媽媽的陳秀珠，因為幫黃浩然做保母湊女而令翠如與浩然加深了解，最後有情人終成眷屬。
黃翠如與黃浩然因了解而撻着。
拍親熱戲打冷震
翠如與浩然繼古裝劇《師父，明白了》後再度演情侶，監製陳耀全與編審度劇本時，男女主角已屬意二人，翠如表示再夥拍浩然感覺很好：「我好多時要同部電話做對手戲，佢會特登早一個鐘打電話嚟同我做對手戲。」對於緋聞男友洪永城的評價，翠如就笑說跟浩然是「天同地比」:「呢兩年對得太多有少少悶，而且我哋一直係好兄弟，突然要做情侶嘅感覺都幾奇怪，同埋我哋有啲親熱鏡頭，都幾打冷震。」她又表示自己感覺遲鈍，故未試過因偷看男友電話而發現第三者：「不過試過因為男友鍾意咗第二個而分手，但我係最後發現嗰個。」
