艾威補定膝陪跪阿叻陳百祥繼續寸網民狂妄

陳百祥（阿叻）擦鞋護主向網民挑機，激發網民熄電視之心，成功奪得免費電視牌照的有線電視，昨找來港視藝人艾威和張松枝，在尖沙嘴為《色香味主播室》任嘉賓，炮製三味補膝關節的食物為陪跪的艾威打氣，更為阿叻畫跪線圖。

（左起）張松枝、艾威和羅貫鋒同屬無綫出身，如今同聲同氣寸舊公司。

艾威（左）和張松枝手持跪線圖，艾威揚言未驚過。

艾威：喺架車度跪

艾威在節目上提到陪跪一事，他說：「呢件係搞氣氛，唔需要太認真，於是咪二話不說插把嘴。」接着主持人稱由電視城到九龍塘，路程共17.2公里，步行需要4小時，若跪回家則不堪設想，艾威說：「由電視城跪返屋企，唔代表要逐步逐步跪，可以一出門口就上車，喺架車度跪返屋企。」張松枝問艾威會否淆底？他說：「未驚過，不過捐錢簡直係神來之筆，收視同善事掛鈎，應該要發揚光大！」

擦鞋護主的陳百祥，昨出席好友蕭潮順的製作公司在觀塘開幕活動，有傳王維基會現身，阿叻說：「歡迎呀，佢係我老友，又係蕭潮順同學，佢第一日諗做唔做（電視台）嘅時候，已話畀佢聽叫佢做定唔做。」追問當日給甚麼意見？他說：「你哋問番佢，當時有畀建議，我講唔好玩嘞。」昨最終不見王維基蹤影。

阿叻繼續挑機，寸網民是否狂妄個妄，揚言自己正氣「祥」存。

秀姑：明揪未驚過

問阿叻被指淆底反口？他寸嘴說：「我唔識字，網民個網係咪狂妄個妄，佢哋唔好用唔正常方法，叫人整爛個盒，正氣『祥』存，我好難死！」黃杏秀亦在微博撐阿叻說：「叫八百個機盒調查分別熄機，即係黑手卑劣造馬，無任歡迎！有膽叫停熄機，明揪未驚過！放馬過來，19號見真章！」另外，陳志雲昨在商台活動提及阿叻說：「佢用心良苦，將自己擺上枱嚟令大家關注台慶，我形容佢係壯烈犧牲。」

採訪：王崇穎、張俊銘、譚倩宜
攝影：黃偉雄、黃文偉
from:http://hk.apple.nextmedia ... 131116/18510024

蒙嘉慧前晚喺中環出席慈善活動，對於無綫台慶熄電視一事，佢話：「每個人都有自己嘅選擇，有好節目冇人唔想睇，嗰日我未必喺屋企。」提到阿叻指台慶收視有30點就叫無綫捐300萬，佢話：「善事幾時都要做，唔好同一個原因掛鈎，相信呢個係阿叻個人睇法，貫徹佢性格，講嘢比較誇張，唔好將每個人嘅說話講到咁大，生活好辛苦，盡量做好啲，將負能量變為正能量，結果唔係我哋去選擇，但捐錢係好提議。」
from:http://hk.apple.nextmedia ... 131116/18510065

艾威（左）與歐錦棠齊拍攝《新獅子山下》故事《夜同行》。

艾威與歐錦棠前晚於鯉魚門為港台劇集《新獅子山下》故事《夜同行》拍外景，接拍《夜》原因，艾威坦言全因岸西執導。

近日無綫封殺壹傳媒，艾威說：「佢哋想幫我哋搵多啲工作，又唔方便光明正大幫，𠵱家唔少公關公司都寧願搵無綫以外藝人出席活動。」

無綫申請以「香港電視」及「HKTV」作為商標，艾威未了解詳情，若此舉是針對王維基，他覺得好好笑。

談到會否覺得無綫此舉霸道，歐錦棠覺得無綫早年已用「香港電視」作官方刊物名稱，所以應該是王維基不懂做生意，他暗嘲無綫說：「王維基應該用新香港電視，畀新香港人睇，特首都倡以新香港人，咁先容易申請。」
from:http://hk.apple.nextmedia ... 131202/18532390