阿叻陳百祥：收視兩點我就跪

陳百祥（阿叻）昨率領葉翠翠、龔嘉欣及林夏薇等在將軍澳電視廣播城綵排無綫《萬千星輝賀台慶》，翠翠、歐陽巧瑩及張秀文俯身玩波時洩春光。對有網民發起台慶熄電視，阿叻自信爆棚說：「如果可以熄到得番兩、三點（收視），我就跪喺度，一路由將軍澳跪返屋企！」


阿叻昨率領藝員為無綫台慶綵排。

翠翠（右）昨日落力綵排，事業愛情同樣瞓身。

阿叻已預料被網民抨擊，又說：「無綫一台獨大咁多年都係靠運氣，你話志偉想一人獨大？咪俾人逼咗落嚟囉！」王維基冇運？阿叻笑說：「唔畀牌佢更出名，做咗人民英雄，但呢個運要小心。佢聰明到不得了，你睇佢過夜、示威見唔見到佢？」至於林夏薇及龔嘉欣獲無綫高層區偉林點名力捧，林夏薇則透露為表演整傷尾龍骨。
from:http://hk.apple.nextmedia ... 131111/18502025

林嘉華（左）和郭鋒前晚通宵趕拍劇，二人炮轟陳百祥的挑機言論。

【電視大戰之舌劍唇槍】香港電視未獲發牌，不少劇集被迫停工，加上最近保皇黨在立法會否決引用特權法查免費電視發牌風波，可是港視藝員林嘉華和郭鋒等仍發揮堅毅精神把未完成的劇集《Night Shift》拍好，預計本月內煞科，他們前日傍晚至昨日通宵趕戲。林嘉華先跟劇中扮太太的何紫綸到油麻地拍攝撐枱腳食串燒戲，至前晚11時左右，他跟郭鋒轉場到大埔科學園附近拍攝飛車查案捉賊戲份。

對於有網民提出下周二（19日）無綫台慶時熄電視贈興，陳百祥（阿叻）前日在將軍澳電視廣播城跟龔嘉欣等為台慶表演綵排時，他自信爆棚說：「如果可以熄到得番兩、三點（收視），我就跪喺度，一路由將軍澳跪返屋企！」港視藝員郭鋒昨日在電話揶揄阿叻挑機論：「意氣風發咗啲，呢啲係個人修養。」

林嘉華前晚和何紫綸拍攝港視劇集《Night Shift》，劇情交代夫妻收工撐枱腳。

沈大師施苦肉計

林嘉華指阿叻認叻是護主行為：「無綫嗰日開生日會，喺佢立場都需要作出呼籲。阿叻話嘅兩、三點，亞視某程度上都有啦。」港視劇集雖然出街遙遙無期，但製作時都非常認真，林嘉華說：「大家用心拍攝。」郭鋒也說：「劇集係公司資產，冇理由hea咗佢。」林嘉華和郭鋒異口同聲下周二力撐無綫台慶熄電視。

阮兆祥（中）昨日為台慶綵排，他希望觀眾當晚要支持勿熄電視。

阮兆祥昨日在電視城綵排敲擊人體，他不想當日觀眾熄電視說：「相信都有好多觀眾等住睇，我嘅責任係做好台慶，唔擔心收視。」龔嘉欣和沈卓盈台慶練花式足球搞到周身瘀，觀眾若選擇熄電視，她們豈非白費心機？龔嘉欣昨說：「唔好熄啦，不過好多嘢我哋控制唔到。」沈卓盈也說：「我哋真係好努力綵排，希望觀眾會收睇同支持。」

採訪：黃曉程、徐錦池
攝影：李志明、吳耀輝
from:http://hk.apple.nextmedia ... 131112/18503437

為撐港視發牌，有網民發起「萬千熄機賀台慶」行動，陳百祥（阿叻）擦鞋護主，近日連珠發炮發表爆炸性言論，由起初「收視得兩、三點便跪地返屋企」，繼而加碼到「死咗佢」，激發不少市民熄機決心。阿叻似乎淆底，擔心單點收視成真，昨日出席台慶記者會時，諗計要無綫台慶有30點收視就捐300萬給慈善機構，並揚言無綫唔捐自己捐，博收視反彈。

現年62歲的陳百祥出名寸嘴，最近為撐無綫竟口出狂言，公然向電視迷挑機，指無綫台慶收視無可能得兩、三點，即有網民發起網上「尋人」，冀聯絡全港800戶參加收視調查的家庭，發動他們響應熄電視行動。未知阿叻是否感到事件鬧大，昨日在將軍澳電視廣播城出席《萬千星輝賀台慶》記者會時，突在台上宣佈要捐錢撐收視，他說：「一台獨大唔想嘅，人哋同我玩點數。我𠵱家喺台上宣佈，如果台慶節目任何時段有30點（約193萬人），我就叫TVB捐300萬出嚟，希望TVB撐我，如果唔係我咪喺TVB騷錢扣囉！」

【昨日】阿叻昨淆底呼籲大家睇電視，並再玩點數，揚言捐錢撐收視。

「每多1點就加10萬」

阿叻在台上多次呼籲：「撐大家開電視呀，睇電視、睇台慶！」並做出扭開電視機手勢，連拍檔陳芷菁都感到阿叻淆底，她說：「你係咪好驚呀？你講咗六次嘞！」阿叻透露已叫汽車老闆加碼送多一部汽車，到時藝人和家庭觀眾各抽一部，擺明用獎金獎品吸收視，他說：「熄機負能量，開機幫到人。」

阿叻在台下續狂擦TVB鞋：「我回饋同擦鞋係啱嘅，TVB養大我，等如阿爸養我，唔通我會鬧佢咩？啲錢暫時未知捐去邊間慈善機構，如果每多1點就加10萬，唔得就喺我人工度扣，我返嚟做20個騷就300萬，咁你哋知我幾多錢一個騷啦。我希望捐夠400萬㖭，唔夠我就出街搵人『揼心口』，籌款我最叻！」

【周日】

阿叻護主情切，連日發表爆炸性言論挑機。

【前日】
問無綫是否已答應？阿叻說：「我上台講完冇人抗議就係，我唔話得事邊個話得事呀？冇理由叫鄭俊弘出嚟講，雖然佢𠵱家都好話得事。」他再做開機手勢，並囂爆說：「吹咩！」他表示不相信「尋人」網有逾萬人Likes，但截至昨日，該網已近二萬個Likes。對網民不是想他死，而是要他輸掉要「找數」下跪，他說：「如果係咁有力熄機我咪死咗去囉，以後唔撈電視，到時唔撈定死咗冇人知。」對無綫劇被評質素下跌，他晒爛透英文說：「呢度少林寺，張曼玉、華仔充斥華人市場，有90%係TVB出去，乜嘢叫質素差呀？無綫請好多新人，我都想退休好耐，但後生上嚟又跌番落去，我又咁受歡迎冇計，曬命英文係咩呀：put my life under the sun！

網民發起熄機行動，至昨日已近二萬個Likes。

一眾台慶司儀及高層昨舉杯預祝台慶有好收視。

今年獎金獎品加碼至接近700萬元，送出的汽車和鑽飾分別讓男、女藝人抽獎。

陳芷菁：覺得佢係驚

無綫非戲劇製作總監余詠珊表示，今年的獎金獎品是歷年之冠，共值約700萬元。問阿叻揚言再捐300萬是否已落實？余詠珊說：「係好提議，今日叻哥同我哋傾過吓，希望多啲人睇節目啦。」事後陳芷菁說：「𠵱家年輕人鍾意同大人行相反方向，真心講，我覺得佢係驚。」黎芷珊說：「總之籌到款可以幫到人，有信心可以去到300萬。」
from:http://hk.apple.nextmedia ... 131115/18508536

陳百祥因擦鞋護無綫向網民挑機，引起議論紛紛，原來林振強於患癌期間，曾經在專欄撰文「最有影響力的人」，指阿叻是他的「偶像」：「阿叻改變不了世界，但他可以獨力改變一個電視節目的質素。任何電視節目，只要見阿叻有份出現，你就知道，這個節目必會變為業餘、不認真，和像馬戲團。」
from:http://hk.apple.nextmedia ... 131117/18511647

（左起）黃日華一家三口與陳嘉桓抱狗狗出席活動，愛心爆棚。

黃日華一家三口及陳嘉桓等昨在山頂出席「狗狗同樂籌款日」，擔任大使的林憶蓮未有受訪。對於網民發起明晚無綫台慶熄電視，曾力數無綫、後轉投拍港視劇的黃日華會否支持？他說：「香港係個自由地，講乜做乜有自由，鍾意阿叻（陳百祥）咪開電視，唔鍾意咪熄，但當日我唔喺香港。」他又出口幫阿叻：「無綫台慶一年一次，藝人立場，希望自己嘅努力同作品畀大家看到。」他笑言阿叻為人一向誇張，叫大家當娛樂新聞來看。

另外，李克勤昨在奧海城出席簽唱會，他冇份參與台慶，揚言會留在家中看電視。提到明年四大唱片歌手可參與勁歌季選，克勤笑言要等高層黃劍濤指示：「係好事，但如果可以夾埋一齊搞一個，相信所有歌手都會參與。」
from:http://hk.apple.nextmedia ... 131118/18512309