多得老友殼王關照，阿叻陳百祥幫無綫拍旅遊節目環遊世界，遠至坦桑尼亞杜拜巴西意大利，近嘅有上海北京馬來西亞，食六萬蚊烤鴨宴，用二百八十萬手機，仲有今屆港姐朱千雪同岑杏賢，著埋泳衣陪游水，happy到呢！
上個禮拜二晚（三月五日），阿叻再搵朱千雪岑杏賢，加埋自己友狄易達、蔚雨芯，同阿倫分成兩組做李克勤個《決戰一分鐘》特別版嘉賓。
阿叻繼續港姐打孖嚟，阿倫就只得「老表雙嬌」鬼妹仔陳明恩同細細粒陳嘉佳揸手。
冇癮阿倫未玩已經諗住輸：「等陣肥妹輸咗就搣佢面珠，鬼妹打大髀！」最後二比二打和，但有靚女陪玩嘅阿叻，始終贏咗面子！
除咗朱千雪，阿叻仲有最上鏡小姐岑杏賢陪遊埠。
細細粒上陣玩「頭頭是道」，要一分鐘內點頭鬥多，細細粒爭氣勝出，阿倫開心到送上愛的抱抱。朱千雪著泳裝上陣陪阿叻去杜拜沙漠游水，仲响池邊飲番杯。
