吳綺莉在車廂接受訪問，緊張又多小動作。
吳綺莉大前晚發現女兒吳卓林𠝹手，昨日在下午1時左右，吳綺莉駕車買餸返抵大埔寓所。吳綺莉絞低車窗接受訪問，不過她全程表現緊張兼不停篤手機，又頻頻撫摸面頰。
記者問到卓林情況？吳綺莉說女兒情況OK。問她是否因此構成更大壓力？她嘆了口氣說：「我諗我可能講錯嘢，唔係大唔大壓力，𠵱家年代唔同咗，大家睇嘢唔一樣，我只可以咁講，要大家慢慢去協調。」問她會否多抽時間照顧卓林？她說：「其實有，不嬲都有。我不嬲都唔係唔關心佢，我只可以話唔好意思。」至於有否向學校交代卓林自殘一事？她連聲說：「有有有，同學校有傾偈，每個小朋友有每個小朋友嘅問題，溝通好緊要，同學校溝通好緊要。」
採訪：張俊銘
攝影：陳俊強
from:
http://hk.apple.nextmedia ... 150611/19179618
