吳綺莉等機會再婚

吳綺莉昨指考慮結婚，不過暫時未有對象。

吳綺莉昨日在旺角與李尚正及簡采恩主持有線節目《寵物ER》，他們拿著蛇、守宮及蜥蜴影相，吳綺莉說：「佢（女兒吳卓林）曾經話養蛇，同吳家麗傾得好興奮，後來我發現蛇食老鼠，搞唔掂，放棄。」

對於吳綺莉與卓林在上月在網上玩直播時，卓林指好想媽咪再婚，吳綺莉說：「會識朋友，但我覺得要夾，阿女從來冇阻止我識男仔，反而係我問題，例如傳我同鄧梓峰、林國斌，根本都唔係。」提到在直播時，她指沒有後悔與成龍一段情，她說：「過咗咁多年，做乜要後悔，每個人都有唔同經歷，唔好後悔自己做過嘅事，當然自己要承擔番。」

採訪：黃曉妍
攝影：陳慧安
from:http://hk.apple.nextmedia ... 160518/19615982

吳綺莉日前都到尖東探忌廉哥。資料圖片
吳綺莉跟17歲獨生女卓林相依為命，兩母女於4年多前由上海返港居住，當年吳綺莉以528萬元購入大埔汀角村三層村屋，昨日有地產消息指，最近她豪擲1,575萬元買入大坑某低層單位，趁樓市回落入手掃貨。

本報致電向吳綺莉求證，問到買樓是自住還是投資？她說：「我買嚟自己住，因為小朋友開始大，都要諗吓將來，我返咗香港4年，屋企人又唔多，如果將來囡囡去外國讀書，得番自己一個喺香港，𠵱家住大埔太遠，想搬市區方便啲。以前諗住喺大埔囡囡可以踩單車，但𠵱家佢都唔踩囉，不如住番市區。」

吳綺莉最近趁樓價下跌入市，豪擲1,575萬元買入大坑單位。資料圖片

吳綺莉和囡囡卓林相依為命，現居於大埔村屋。資料圖片
大埔村屋唔賣住

吳綺莉透露大坑單位面積約1,300呎，問會否擔心供樓辛苦？現於dbc數碼電台及有線電視擔任節目主持的吳綺莉坦言：「冇諗住供，𠵱家傳媒嘅市道又唔好，唔知幾時裁到我，唔想有壓力畀自己，所以決定唔供，一鑊過畀！我好窮㗎，師奶仔，平時好慳，我份人實際啲，一直有儲錢習慣，對投資樓宇有心得。」

問到大埔的村屋會否賣出或放租，她說：「唔知樓市會再跌幾多，所以唔賣住，除非價錢好好，𠵱家未知會唔會放租。」吳綺莉更大呻昨日在家中仆倒，膝蓋磨損流血：「因為着咗喇叭褲，褲腳好闊，自己一邊傾手機一邊行樓梯，點知唔小心踩到褲腳仆*，跌到損晒。」

採訪：皓騫
from:http://hk.apple.nextmedia ... 160527/19628931