見證導演求婚，陳豪：好多開心事

陳豪上周六接咗懷胎五個月嘅老婆陳茵媺（Aimee）返港待產，仲已經搬咗入大埔比華利山別墅豪華愛巢，雖然Aimee跟住撞車，好彩只係受驚冇受傷，而陳豪啱啱拍完電影《點對點》，𠵱家可以全程照顧老婆。

陳豪前晚喺電影煞科宴上同邵音音、HotCha嘅Crystal等演員見證導演向女友求婚浪漫過程。

唔畀Aimee揸車

前晚陳豪喺北角出席電影煞科宴時，陳豪等演員見證導演黃浩然求婚成功，事前冇人知導演要神秘求婚，直至飯局尾聲佢突然跪地向女友求婚，陳豪等都好感動，陳豪話：「好多開心事，自己又結婚生小朋友，𠵱家到導演結婚。」

拍晒電影，陳豪可以專心陪Aimee安胎，噚日下晝點半鐘，陳豪唔再畀老婆揸車，就親自揸車載住Aimee從外返愛巢，到咗三點四十五分，Aimee契哥麥長青（麥包）揸車離開陳宅，麥包話：「契妹返嚟咪飯敍吓，兩家人之嘛。」Aimee撞車心情點呀？麥包輕鬆咁話：「冇乜嘢，唔係撞車，佢俾人撞之嘛。」

另外，Aimee下周二（8日）將出席懷孕後首個活動，有指陳豪原本打算離開無綫以做生意為主，仲會主力北上拍劇，但Aimee大咗肚又留港生產，陳豪計劃有變，留喺無綫嘅機會好大。

導演黃浩然（小圖）跪地向女友求婚，全場起哄。

陳茵媺（右圖）揸車遇交通意外後，陳豪親自接送，載老婆返大埔屋企。

from:http://hk.apple.nextmedia ... 131002/18445898

藝人陳豪和邵音音前晚出席黃浩然執導新片的煞科宴，席間黃浩然突然向在場女友求婚，令全場起哄。十多年未有拍電影的陳豪，表示今次再拍攝電影感到很新鮮，尤其有機會與邵音音合作特別開心，他說：「佢可以令拍攝現場氣氛好高漲，有機會想同佢再合作。」

陳豪（左三）出席新片煞科宴好受歡迎。

另外，陳豪昨日與腹大便便的老婆陳茵媺離開大埔新居，約下午1時半駕車載住老婆返家。雖然新居仍裝修中，但兩公婆仍邀請好友麥長青（麥包）到新居參觀。約下午3時半，見麥包與其太太驅車從陳豪的屋苑駛出，前往附近超市購物，提到大肚婆陳茵媺早前撞車一事，他表示：「佢冇嘢，畀人撞之嘛，佢冇事！」麥包兩公婆便折返屋苑。

陳豪與陳茵媺在大埔的新居仍裝修中。

陳茵媺、陳豪
From:http://orientaldaily.on.c ... /00282_037.html