陳豪、Janice Man與Lisa S.等前晚在中環出席鑽飾品牌Forevermark活動，陳豪未有透露送多少卡鑽石給老婆陳茵媺，心意比價值重要，會互送親手做的禮物，知道老婆陀B辛苦，不少得送禮。問陳茵媺何時回港及是否陀慈姑椗？他說：「遲啲，未知喺香港定外國生，除咗國籍，仲有醫生、讀書問題，個決定唔係一時三刻做到。」向老婆承諾甚麼？他希望老婆開心，私下才講肉麻說話。可有與無綫傾續約？他說：「傾緊，想自己多啲選擇，自己open。」
Janice Man與英國時裝設計師Gareth Pugh大談珠寶經。
陳豪在港出席鑽飾活動，身在加拿大安胎的陳茵媺昨亦在微博大騷其3卡鑽戒，透露與大學同學行畫廊的寫意生活。
陳豪密賺奶粉錢，陳茵媺昨亦在微博大晒三卡鑽戒（右圖）。
Janice Man日前被拍得與何超盈前緋聞男友、「翻版李準基」Edwin用膳，遇超盈即黑面離開，JM謂與一班朋友同行，不知超盈在場，與Edwin是了解中的朋友，否認同居。Lisa S.就否認帶囡囡Raven到老公吳彥祖父母所住的美國定居，但四年後可能到當地讀書。
from:
http://hk.apple.nextmedia ... 130810/18371972
