由葉麗儀、陳潔靈同肥媽瑪利亞齊齊做嘅「3個女人一個墟2013唱過界演唱會」，將會喺10月5、6日於紅館舉行，噚日喺黃埔舉行記者會，點知三缺一，唔見咗肥媽，大會指肥媽有緊要事出席唔到，同場仲有音樂總監倫永亮同特別嘉賓鮑比達。
三個女人唔只一個墟，仲會有是非，之前都有傳過佢哋不和，今次記者會唔見咗肥媽，葉麗儀同陳潔靈都話嚟到先知肥媽唔得閒出席，唔通真係不和？陳潔靈講笑咁話：「哈，今次好喇，少咗個，你哋可以點寫都得，我哋就真係冇乜所謂，肥媽咁忙，可能去咗煮餸。」葉麗儀就話：「吓？乜我哋不和咩？點解連我都唔知嘅。」
葉麗儀（右）同陳潔靈老友鬼鬼，噚日碰杯預祝演唱會成功。
體驗友情
演唱會記招都唔齊人，會唔會介意？陳潔靈話：「呢個時候就係體驗友情嘅時候，如果係其他人，我哋可能介意，但係咁好朋友，係完全明白同了解，因為我哋係人生嘅拍檔。」葉麗儀就非常體諒咁話：「肥媽係一個好有交帶嘅人，佢唔嚟得一定係有緊要事，我亦相信佢同我哋見面時會交代清楚，絕對唔介意。」佢哋仲話演唱會嘅安排已經一早傾好晒，只係欠排練，彼此合作已經有一定程度嘅默契。
由葉麗儀、陳潔靈同肥媽瑪利亞齊齊做嘅「3個女人一個墟2013唱過界演唱會」，將會喺10月5、6日於紅館舉行，噚日喺黃埔舉行記者會，點知三缺一，唔見咗肥媽，大會指肥媽有緊要事出席唔到，同場仲有音樂總監倫永亮同特別嘉賓鮑比達。
三個女人唔只一個墟，仲會有是非，之前都有傳過佢哋不和，今次記者會唔見咗肥媽，葉麗儀同陳潔靈都話嚟到先知肥媽唔得閒出席，唔通真係不和？陳潔靈講笑咁話：「哈，今次好喇，少咗個，你哋可以點寫都得，我哋就真係冇乜所謂，肥媽咁忙，可能去咗煮餸。」葉麗儀就話：「吓？乜我哋不和咩？點解連我都唔知嘅。」
體驗友情
演唱會記招都唔齊人，會唔會介意？陳潔靈話：「呢個時候就係體驗友情嘅時候，如果係其他人，我哋可能介意，但係咁好朋友，係完全明白同了解，因為我哋係人生嘅拍檔。」葉麗儀就非常體諒咁話：「肥媽係一個好有交帶嘅人，佢唔嚟得一定係有緊要事，我亦相信佢同我哋見面時會交代清楚，絕對唔介意。」佢哋仲話演唱會嘅安排已經一早傾好晒，只係欠排練，彼此合作已經有一定程度嘅默契。
倫永亮（左一）同鮑比達（右一），現身撐陳潔靈、葉麗儀。
肥媽瑪利亞噚日因事缺席記者會。資料圖片
from:
http://hk.apple.nextmedia ... 130807/18366833
