肥媽瑪利亞、羅霖一家及郭秀雲與兒子錢景峰等，前晚到圓方戲院出席《小人國大歷險》首映，肥媽一向和吳國敬老友，對於阿敬涉及揮刀恐嚇鄰居案，肥媽力撐他說：「我打咗電話畀佢，佢OK冇乜嘢，阿敬係一個好人，話佢係咁嘅人，好難相信。」
錢景峰當晚帶同異性朋友Mika到場，但否認是新女友，不知是否因之前和o靚模Mia分手鬧不快故變得低調，問郭秀雲會否叫兒子小心識新朋友？她說：「佢真係要補習吓識朋友，因為佢好易對人好，雖然已25歲，但心智得十幾歲。」同場的羅霖透露一家人在港過聖誕，她已預備好節目和禮物，羅霖又指現於上海讀書的大仔，有意回港求學，不過一切仍有待安排。
from:
http://hk.apple.nextmedia ... art_id=14801937
