娛樂頂點:葉翠翠喪ｨ肌肉男
十二位準香港先生，本周三（18日）於「新會古兜溫泉度假村」進行外景拍攝，玩盡水上單車、沙灘排球和水球，盡晒肌肉。當中真係有辣有唔辣，有人胸前嗰兩塊肌肉黑黝結實，但有人亦似乎仲未發育完成……真該煨！
不過有份同呢班香港先生作近距離接觸嘅葉翠翠就好識揀，目標一致專吼大隻男。玩遊戲期間，喪𥄫翻版司徒瑞祈和少年版莫少聰，睇到幾乎流口水。難怪事後葉翠翠都大讚話：「今年質素真係幾OK ，又好有禮貌添！」
偷𥄫
玩沙灘排球時，負責計分的葉翠翠已經笑晒口與2號身高6呎的「翻版司徒瑞祈」傾偈，之後仲不停偷𥄫。這位年僅20歲的趙國東是位健身教練，有番咁上下高嘅翠翠，難怪咁睇得起佢啦！
姣穿乳環
今屆選舉分兩組，「盛年組」身形普遍都算幾得。7號袁偉豪更穿有乳環成功搶鏡，他說：「係3年前送俾自己嘅生日禮物，因為想試吓啲新嘢，不過紋身就暫時唔諗。」
再𥄫
之後，葉翠翠站在排球網前，又改𥄫10號長毛單俊偉。他身高5呎11吋，擁有健康膚色，之前被指似馬國明，但翠翠就私自形容為「翻版莫少聰」。
谷胸突圍
同場還有多位《一擲千金》的千金小姐伴住香港先生於沙灘玩，其中身材惹火的日伽，不但著件開窿火紅上衣，玩沙灘排球又不時夾胸和抹汗，睇嚟係想考驗吓班男士嘅定力喎！
翻版司徒瑞祈（右二）
記者問過葉翠翠，她坦言都有啲心水，「有幾個都有印象，好似翻版司徒瑞祈、翻版莫少聰同翻版阿Rain ，都係外表同樣貌比較好！」
少年莫少聰（右）
