新婚無耐，安排老婆仔返加拿大養胎有多啲人照顧，陳豪甘願同陳茵媺分隔兩地。
唔使睇住老婆，陳豪上個星期四（二十日）做孝順仔，叫埋阿哥陪媽咪去尖沙咀飲茶。歎完一盅兩件，陳豪先去攞車，見到《壹》仔仲熱情打招呼任影唔嬲，但就補多句：「等陣我媽咪行過嚟，唔好影佢相呀！」之後陳豪就打電話同媽咪通風報訊。
新奶奶嚟到，《壹》仔係咁意影咗兩張相，豪媽繼上次响巴黎以「super滿意」形容陳陳聯婚後，今次又有新金句：「咪講好咗唔影囉，又影，真係unbelievable！」係嘅係嘅，《壹》仔同auntie你say sorry！
陳豪叫唔好影，auntie見到閃燈笑晒口晒英文。
响停車場等阿媽期間，有fans嗌陳豪合照，當然冇托手踭！
