今個禮拜最開心嘅新聞，梗係陳茵媺（Aimee）同陳豪呢對同「姓」戀開花結果啦，佢兩個郎才女貌，簡直係天作之合。不過話時話，當日Aimee選港姐嗰陣，負面新聞都唔少㗎，其中最多人講嘅，就係解釋唔到嘅「高胸之謎」。
陳茵媺喺《原來愛上賊》有香艷演出，形象討好。陳茵媺選港姐嗰陣狀態弗爆，其中一環節要瞓低影top shot，咪咪幾乎谷到上頸。
時光倒流去返06年，當時喺比賽之前，已經有網民話Aimee喺04年落選多倫多華裔小姐之後曾經隆胸，佢梗係話冇啦，仲覺得自己好自然。點知到決賽當晚，離奇事情發生了！話說喺泳衣環節，Aimee要瞓喺舞台度拍攝top shot鏡頭，奇怪係佢嘅湯碗胸居然硬繃繃咁郁都唔郁，仲反地心吸力，咪咪幾乎谷到上頸㖭！呢個「高胸之謎」除咗令觀眾拍案叫絕，亦令評判另眼相看，結果當晚Aimee兼奪國際親善小姐，成為雙料冠軍。
好彩，Aimee嘅開朗性格令觀眾相當受落，07年佢剪短頭髮拍《原來愛上賊》，仲憑性感造型上位㖭！
from:
http://hk.apple.nextmedia.com/entertainment/art/20130615/18297890
