陳茵媺單拖出巡險遇廖碧兒

現年34歲的陳茵媺（Aimee），與陳豪結婚兩年極速誕了兩子，前年長子梓燁出世後，今年再誕下次子浩鋒，一家四口經常溫馨出巡。不過，本報前日就發現Aimee撇甩老公及兩個囝囝，獨自駕車到中環ifc，更差點遇上老公舊愛廖碧兒。

【獨自上樓】

穿上運動套裝的陳茵媺前日折返ifc與在場記者打完招呼後，便乘升降機上樓。

陳豪與陳茵媺一家四口經常一齊外出購物。

資料圖片
廖碧兒車內玩電話

前日下午1時許，記者發現Aimee冒著大雨，駕駛其黑色Benz到中環ifc，當她將座駕駛入停車場時發現記者，便在停車場內不停兜圈，後來見到有保安員阻止記者拍照，Aimee就趁機將車駛離ifc，然後向灣仔方向駛去，其間記者發現陳豪舊愛廖碧兒都在ifc附近，當時她一個人坐在停泊在ifc外的七人車內玩電話，原來她正等候去了時裝店攞衫的助手，待助手上車後便開車離開。

至於之前刻意駛走座駕避開記者的Aimee，到灣仔後再折返ifc，見記者影相更笑笑口說：「Hello！」由於早前她與老公陳豪購入比華利山單位時，正是到位於上址的恆隆地產總部，故她約5時多離開時，記者上前問她是否到恆隆地產總部？但她只笑，沒有回答。

記者同時又發現原本著貼身褲的Aimee，落樓已換了短褲露出長腿，故亦有可能她是到上址一間健身中心做運動，靚太果然唔易做。

採訪、攝影：朱志聰、黃曉程

【㩒手機】

廖碧兒在ifc附近等候助手期間，在七人車內玩電話。

廖碧兒　資料圖片
From:http://hk.apple.nextmedia.com/entertainment/art/20150818/19259582

TVB花旦陳茵媺(Aimee)自從同陳豪結婚，仲誕下兩個可愛囝囝，舊年開始佢就冇再拍劇。

昨日有大馬傳媒報道，陳茵媺會復出拍杜汶澤新片《開飯喇！》，據知杜汶澤近日喺大馬埋首搞賀歲片，去年佢拍咗《麻雀王》，星馬票房大收，食髓知味，阿澤斥資約千萬港幣籌備嘅《開飯喇！》近日終於敲定女主角係陳茵媺，昨日《蘋果》向阿澤查詢，佢直認不諱。

該片內容圍繞一間餐廳，陳茵媺係餐廳太子女，接管餐廳，同大廚阿澤唔啱key，現實生活愛做煮飯男嘅阿澤，今次正好鏡頭前大顯身手。劇情發展，佢同陳茵媺有感情戲，呢套劇都係陳茵媺產後復出。阿澤仲大爆Aimee為呢部戲好努力減肥，每日只食沙律，做兩個鐘運動。

問到阿澤喺戲同陳茵媺有冇咀戲，佢好抵死咁話：「我老婆（田蕊妮）同陳豪拍《鬼同你OT》都有咀戲，點解大台咀得，我喺大馬拍唔咀得？」該片將於下月開工，呢次仲喺阿澤首次做導演，唔怪得搵Aimee復出省靚招牌。
from:http://hk.apple.nextmedia ... 150825/19269253