陳茵媺與陳豪拍拖兩年多，終於未婚有餡。懷有「Mo B」兩個月的陳茵媺，即時辭演新劇《寒山潛龍》，急返多倫多娘家安胎待產，由母親全天候照顧。
本刊記者在陳茵媺多倫多寓所連日守候，但她為免「小肚」曝光，選擇足不出戶，不過其寓所附近的餐廳職員卻認出陳氏母女。記者更發現陳茵媺父母在加國是大業主，共擁總值4千萬港幣的6個物業及4個車位。陳茵媺現時住的湖景屋，正是陳母送給她的嫁妝。
本刊早前更拍下陳茵媺單拖入醫院做婦科檢查，似乎她一早準備好為陳豪繼後香燈。
陳豪陳茵媺情侶檔入晒屋，就連上年無綫台慶亦被安排繑住手行紅地氈，估唔到咁快好事近，結婚生B打孖上。
滴汗爸爸周日（2日）陳豪面對半百傳媒大逼供，顯得不知所措，標汗現青筋，仲傻笑迴避問題。最終抄足霍啟剛口吻話：「你哋嘅祝福我全部都收到！」默認女友有喜。
42歲的「筍盤王」陳豪，2010年拍《心戰》與陳茵媺撻着，女方即時被私有化，雙陳更二合一情侶檔狂接騷揾真銀。兩年間二人屢傳結婚消息，最近終於搞出「人命」。陳茵媺自上月8日出席新劇《情越海岸線》宣傳後，至今未有露面，原來她懷有「Mo B」兩個月，更秘密遠赴多倫多老家安胎。
湖景屋做嫁妝本刊記者幾經轉折，終查到陳茵媺父母在多倫多原來是大業主，兩人共擁有6個物業及4個車位，陳茵媺正身處其中一個面積接近3千呎的高層湖景單位。據知該湖景屋是陳母去年買給女兒的嫁妝。知情人士透露：「去年陳豪見過Aimee（陳茵媺）父母，初步傾過今年會結婚。陳媽媽去年10月，就喺多倫多買咗間湖景屋俾個女做嫁妝。今年初先裝修完，依家全家搬咗入去，方便照顧大肚Aimee。」
記者連日在大廈外守候，那裏空氣清新，面對無敵大湖景，絕對心曠神怡，非常適合懷孕中的陳茵媺安胎。本周一（3日）記者帶同水果籃，到湖景屋探望懷胎兩個月的陳茵媺。記者一開始就向大廈保安員說出該單位戶主姓陳，保安員即拿出住戶名單，核對資料正確後，就致電陳茵媺的單位。經過一輪對話後，保安員表示陳姓戶主不認識我們，禮貌地請記者離開。
記者其後到附近一間西餐廳用膳，當拿出陳茵媺及其家人的照片給其中一名侍應過目，侍應望了5秒便認出陳母是熟客，經常來吃早餐，最近一次陳茵媺亦在場。他說這一帶唐人不多，所以不難認出她們。
陳茵媺寓所的保安員嚴守崗位，未經屋主許可，陌生人根本無法上門，陳茵媺可安心養胎。
寓所附近的西餐廳侍應表示陳母經常幫襯，最喜歡坐戶外的位置，最近一次陳茵媺亦在場。侍應更表示兩人似姊妹多過似母女。
婚前養和檢查32歲的陳茵媺有喜兩個月，男友陳豪緊張之餘，家人亦十分擔心。事緣4月尾陳茵媺在大馬拍《單戀雙城》時，因懷孕引起身體不適，頭重重兼容易疲倦，她誤以為感冒，竟飲感冒茶了事。後來月事遲遲未到，去看醫生才知道自己懷孕。據知陳茵媺母親立即叫女兒盡快返多倫多老家，讓家人好好照顧她的起居飲食。
其實，陳豪與陳茵媺早已為結婚生仔做好準備。本刊去年7月影到戴着墨鏡的陳茵媺獨自步出養和醫院，原來她去醫院是做婚前婦科檢查。知情者透露：「Aimee同Moses（陳豪）都好注重健康。為咗生個健康BB，舊年佢哋喺養和醫院做過體檢，檢查雙方有冇地中海貧血或其他家族遺傳病。體檢pass咗，佢哋先放心『造人』。」
入養和婦檢去年7月，陳茵媺秘密入養和做婦科檢查，被本刊記者撞正。當時她只說普通身體檢查，但據知陳豪亦前後腳到養和，作婚前檢查。
抱洪天明仔一向鍾意小朋友的陳茵媺，懷孕前專登探望好友周家蔚，還手抱未足月的BB，母愛氾濫。
緊張接機5月4日陳茵媺拍完《單戀雙城》由大馬返港，已知女友有喜的陳豪緊張得親自接機。
請假傾婚事陳豪早前以三千多萬買入大埔比華利山別墅作新愛巢，又積極籌備在港島開設咖啡店，更講到明不想陳茵媺再辛勞工作，想獨力搵錢孭起頭家。
陳茵媺急告假返加國，陳豪早前亦連場缺席《金枝貳》的宣傳活動，原來是秘密赴多倫多與岳母傾婚事。知情人士透露：「阿Mo（陳豪洋名）知道Aimee有咗，即時同無綫請假缺席《金枝貳》宣傳活動，佢趁呢段時間過去多倫多同岳父岳母傾婚事。其實大家都有晒共識，會喺多倫多註冊，BB出世後先至補擺酒。至於禮金，Aimee父親都話唔太重要，最重要係陳豪錫Aimee。」陳茵媺雙親在加國有大把物業，個個月有租收，陳爸爸退休前是工程師，媽媽是教師，屬中產家庭。即使陳爸爸現已退休，但有物業及大筆退休金，生活絕對無憂，所以亦唔着緊陳豪俾多少禮金。
最後性感陳茵媺早前接拍面膜廣告大露事業線，將為人母的她，相信以後的性感尺度會大幅收窄。
告別作Man爆的陳豪講明唔俾陳茵媺再捱世界，這套TVB劇《單戀雙城》可能會成為陳茵媺的告別作。睇怕日後該劇的宣傳活動，陳茵媺都難以抽空出席。
默認做老竇周日（2日），陳豪自陳茵媺傳出有喜後首次露面，即被半百記者包圍大逼供，陳豪滴晒汗、笑晒口回答記者提問，不斷重複將會有好消息公布，默認陳茵媺有喜。
記：記者陳：陳豪
記：係咪公布喜事呀？
陳：大家嘅關心同心急我完全感受到，俾多啲時間同耐性，必定同大家公布。
記：喺咪籌備緊呀？
陳：有好消息會向大家公布。唔方便透露太多，留番啲空間容許我保持番自己嘅低調。唔係話唔會講，我阿Mo份人有好消息一定同大家分享。佢（陳茵媺）依家喺加拿大放緊假，有家人照顧，期待俾好消息你哋。
記：同Aimee提咗親未呀？
陳：唔講得俾你知喎。
記：之後會唔會唔俾Aimee再拍劇？
陳：唔會！
記：Aimee放假會放幾耐？
陳：……唔知道喎！你呢個問題，我唔知點答你喎。
記：Ready做爸爸未呀？
陳：我諗到咗嗰個時候我就會知道。
記：Aimee係咪順產？
陳：（大笑）你唔好裝我呀！
記：係咪積極睇舖位做老闆，Aimee做老闆娘？
陳：唔會俾佢辛苦，我做就得喇！
陳茵媺向無綫請長假，據知預產期在明年1月，但她仍有一年合約在身，理論上產後要拍劇還債。不過陳豪講明唔俾女友再拍劇，睇怕陳茵媺再拍劇的機會好微，無綫又少咗一名當家花旦。
雙陳傳喜事，網上討論區反應熱烈，難得兩人的粉絲一面倒支持，證明兩人人緣好。
粉絲祝賀
舊愛酸溜溜陳豪舊愛廖碧兒上周五(5月31日)出席活動時被問及陳茵媺有喜，她酸溜溜說：「冇留意，我喺內地忙拍劇，如果係真都會短訊祝福。」
陳母物業
無敵湖景屋位於多倫多Brookers Lane的無敵湖景屋，是陳母上年10月買入，是同區最新落成的高尚Apartment。
陳茵媺所住的高層單位坐擁無敵湖景，大露台可望到[闊湖面及多倫多地標CN TOWER。
屋內間隔四正，環境開揚又光猛，飯廳落地玻璃連住露台，可一邊食飯一邊看日落。
陳母在多倫多手揸4個物業，除了湖景屋外，還有兩個位於市中心的住宅及一個商業單位，全部都是近兩年才買入。
陳父物業
據知陳茵媺父母與方逸華有親戚關係，07年方逸華表弟黃家禧（左二）兒子結婚擺酒，陳茵媺父母亦有到場。
陳父在多倫多有兩個物業，其中一個位於Beverley St，但現場所見似荒廢了一段時間，沒有人居住於此。
陳父89年買入的平房現租給外國人居住，每月收租約3萬港幣。
大懶蛇蝦老竇
陳茵媺現懷胎2個月，BB將會在明年1月出世。玄學家麥玲玲表示，BB屬蛇，應該會係條靚蛇。「蛇B性格會冇咁進取，大懶蛇冇乜紀律，要多啲推動力先得。陳豪屬豬今年沖太歲，蛇B會利佢，不過呢個豬老竇會俾蛇B蝦。陳茵媺屬雞，蛇雞相合，BB會黐媽咪多啲，呢個小朋友會好靚，仲好獨當一面㖭！」
大肚茵媺懵盛盛陳茵媺都算大懵，4月初跟大隊去大馬為新劇《單戀雙城》拍一個月外景，竟然連自己有咗都唔知，仲走去瞓吊牀、食雪糕、跳起影相同飲感冒茶。到4月尾身體不適去睇醫生先知有喜，難怪要即時飛返娘家安胎啦！
瞓吊牀
陳豪買定愛妻屋陳豪成熟穩重又善於投資，手上除了持有將軍澳都會駅單位、一間西貢村屋及銅鑼灣一舊樓單位外，原來早於04年，他便與家人聯名，以120萬購入柴灣工業城一個寫字樓。自與陳茵媺拍拖後，陳豪更認定對方是結婚對象，除早年以2萬2千元租住深井碧堤半島同居外，更儲定彈藥吼準時機買屋結婚。
今年4月，陳豪為給女友驚喜，由搵樓、睇樓到扑槌，都親自出馬，最後以3,368萬購入大埔比華利山4,000呎獨立屋，更打算在樓契中加上女友名字。陳豪呢間愛妻屋私隱度高，守衞又森嚴，大廳對住無敵大海景，最適合陳豪一家三口居住啦！
碧堤半島月租2萬2千
大埔比華利山別墅3,368萬買入
Bingo後的母親節
發現自己懷孕後的陳茵媺在母親節當日，不禁在微博祝福天下母親，當然包括佢自己啦！
