林峯當BB屋企人

林峯19日內同女友吳千語去三個地方旅行享受完二人世界後，噚日佢復工到馬鞍山出席簽唱會，雖然已名草有主，但依然有幾百fans支持，林峯又唱又跳又同fans玩遊戲狂冧補數。馮仁昭學千語BB叫林峯做阿文（真名林匯文），林峯笑話：「屋企人咁叫我。」已視千語BB係屋企人？佢唔避忌點頭。幾次旅行都開心？林峯甜笑認好開心，仲話同女友相處多咗更了解對方。

林峯喺簽唱會上同fans一齊擺甫士，公開同吳千語（小圖）嘅戀情冇影響fans對佢死心塌地。宋汶霏因癌病去世，林峯話好可惜。《摘星之旅》劇照

怕提同房瞓
最近千語BB踢爆林峯成日遲到，但噚日林峯出奇準時，係咪聽BB話改過？佢話：「係呀，其實一路改緊，我都唔係好嚴重。」係咪受BB影響？佢話：「好正常，兩個人互相影響，令大家更好。」咁同千語BB旅行係咪同房瞓、怕唔怕搞出人命？係咪豪花50萬包起旅費？林峯尷尬話：「呢啲私人嘢唔講。」之後仲緊張到流晒汗話：「開心嘢，多謝大家祝福，不過我流汗係頭先跳舞咋。」
係咪視千語BB為結婚對象？林峯坦認：「一定好認真。」另外對於曾喺劇集《摘星之旅》合作嘅27歲內地演員宋汶霏噚日因癌病去世，林峯話好可惜。
from:http://hk.apple.nextmedia.com/entertainment/art/20130304/18183472

剛與女友吳千語三度外遊的林峯，昨日是他「預支蜜月」後首度公開現身，更一改遲到陋習現身簽唱會。全程冧笑的他，除表示受千語影響是正常外，提到女友叫他真名時，一臉冧樣認定女友是屋企人，更視她為結婚對象。

林峯為女友改變遲到陋習，更公開視對方為結婚對象。

林峯與女友千語結束農曆新年浪漫歐遊後，昨日林峯出席「馬鞍山新港城中心X林峯A Time 4 You 簽唱會」，蜜運中的他全程四萬笑容。說到吳千語稱叫他真名阿文（林滙文），記者打趣問大家可否都跟千語這樣叫他？林峯稱通常是屋企人叫。問他當千語做屋企人？林峯冧樣點頭。

至於林峯昨日一改陋習未有遲到，林峯笑言：「係，多謝！（聽晒女友話？）一路都有改進緊，我唔係好嚴重啫！（受女友影響？）好正常嘅，兩個人拍拖互相影響都係好事。」問到兩人旅行是否同床及可擔心「搞出人命」？林峯即尷尬說私人事不多說。有指他豪花50萬和女友旅行？他亦不作回應。見林峯答到滿頭大汗，他抵死說：「唔關問題事，係我跳完舞咋。」視千語為結婚對象？他更隔空派定心丸：「一定係認真。」

直呼林峯真名的吳千語，獲男友認定「家人」地位。林峯放完甜蜜假期後，昨日現身宣傳新碟。

否認為愛推Job
對有指他為旅行推工作，未有宣傳電影《忠烈楊家將》，林峯堅稱一早計劃旅行，當時亦未落實電影的宣傳期，周二將前往北京宣傳。不過，林峯對千語愛得癡纏，日前就見他陪女友唱K，他解釋當晚在附近與友人晚飯，之後才去找女友。做「跟得男友」？林峯即甜笑受落。

另外，提到林峯早年曾合作拍電視劇《摘星之旅》的內地女演員宋汶霏昨日凌晨因癌病逝世，林峯得悉感到愕然，替對方惋惜。據知只得27歲的宋汶霏，因忙於拍劇耽誤了四個月，導致病情惡化，最終返魂乏術。
from:http://orientaldaily.on.cc/cnt/e ...0304/00282_025.html