平時好少見林峯同女朋友吳千語同場，只會喺佢哋私人拍拖時間先一齊，不過前日林峯同千語BB就一齊現身，為新戲《詭嬰》到廣州宣傳，不過佢哋喺現場都有避忌好少企埋一齊。除咗林峯同千語之外，仲有喺戲中演林峯老婆嘅盛君以及徐子珊，活動上有fans問點解林峯唔同千語BB做一對，千語反而做盛君嘅妹妹，佢即好醒目叫fans問導演，導演梁普智就解釋：「因為千語係tomboy，唔鍾意男仔。」林峯就讚盛君做佢老婆好稱職。
千語BB從後攬住人扮嘅Jimmy鬼公仔，林峯睇到都忍唔住笑。
平時好少見林峯同女朋友吳千語同場，只會喺佢哋私人拍拖時間先一齊，不過前日林峯同千語BB就一齊現身，為新戲《詭嬰》到廣州宣傳，不過佢哋喺現場都有避忌好少企埋一齊。除咗林峯同千語之外，仲有喺戲中演林峯老婆嘅盛君以及徐子珊，活動上有fans問點解林峯唔同千語BB做一對，千語反而做盛君嘅妹妹，佢即好醒目叫fans問導演，導演梁普智就解釋：「因為千語係tomboy，唔鍾意男仔。」林峯就讚盛君做佢老婆好稱職。
一向以chok爆出名嘅林峯居然唔介意戴假髮扮醜。
嚇餐懵
活動上當真人扮嘅鬼公仔Jimmy出場時，子珊嚇到走埋一邊：「公仔都可以，但真人化晒妝好恐怖。」玩遊戲時林峯同千語BB都輸咗要受大懲罰，林峯被罰要戴上Jimmy嘅假髮，難得佢唔介意仲搞笑咁撥吓個假髮，而千語就被罰要抱住由男仔扮成嘅Jimmy，一向大膽嘅佢對住真人版Jimmy時都嚇一嚇，結果佢揀喺後面抱，唔使望住正面喎。另外，千語坐車去廣州時架保母車俾第二架車撞到，好彩冇大礙，有驚無險。
另外，無綫正視音樂嘅音樂總監鄧智偉噚日宣佈離開無綫，令人揣測係咪同何哲圖喺無綫同星煥合併咗嘅星夢唱片中做CEO一事有關，身為何哲圖老婆嘅無綫高層余詠珊噚日喺電視城回應：「假設性問題唔想講，唔覺得有影響。」佢否認鄧智偉同TVB係不歡而散。一直同鄧智偉好老友嘅林峯，噚晚喺金鐘出席活動時表示近日冇搵過對方，不過知佢有新發展：「音樂上同佢仲有合作，但就唔會同佢自組公司。」
from:
http://hk.apple.nextmedia ... 131026/18479717
