千語BB笑言小學時不知《尋秦記》男主角叫古天樂。
吳千語與蔡穎恩前晚在銅鑼灣出席時裝品牌活動，千語BB透露最近忙於拍攝《葉問3》，早前更有機會與拳王泰臣見面：「佢係好多男性朋友嘅偶像，佢哋仲問可唔可以拎簽名，不過拳王有好多保鑣，太太又喺隔籬，最後都只係得合照，幫唔到朋友拎簽名。」
對於古天樂吹雞開拍《尋秦記》電影版，千語BB笑言小學時曾睇過，問她當年喜歡古仔定林峰，她說：「我嗰個歲數就唔識明星嘅，不過就覺得個劇好好睇，嗰時都唔知男主角叫古天樂，嗰時仲係一年級。」問她會鼓勵男友林峰拍電影版？她說：「我覺得套劇幾好睇，大家都經歷過《尋秦記》嘅時候，嗰時都會熱烈討論。」記者提議她做郭羨妮的角色，千語BB就認為原班人馬做會好一點。
採訪、攝影：溫敏芝
from:
http://hk.apple.nextmedia ... 150517/19150083
